കരുനാഗപ്പള്ളി: കാട്ടില്കടവ് മുണ്ടുകാട്ടില് രണദേവിന്റെയും ശ്രീലതയുടെയും മകള് തൂങ്ങിമരിക്കാനിടയായ സംഭവത്തില് കുറ്റക്കാരെ ഉടന് അറസ്റ്റ് ചെയ്യണമെന്ന് ബന്ധുക്കള് ആവശ്യപ്പെട്ടു.
അമ്മുരണദേവ് (19) കരുനാഗപ്പള്ളി സ്വകാര്യകോളേജില് ഡിഗ്രിക്ക് പഠിച്ചുകൊണ്ടിരിക്കെ ക്ലാസിലെ മുസ്ലീം സമുദായത്തില്പ്പെട്ട യുവാവുമായി പ്രണയത്തിലായതായും ഇതറിഞ്ഞ കോളേജ് അധികൃതര് രണ്ടു വീട്ടുകാരെയും വിളിച്ച് കാര്യങ്ങള് ബോധ്യപ്പെടുത്തുകയും തുടര്ന്ന് രണ്ട് കുട്ടികളെയും കോളേജില് നിന്നും പുറത്താക്കുകയും ചെയ്തിരുന്നു.
തുടര്ന്നും പെണ്കുട്ടിയുമായി യുവാവ് അടുപ്പം പുലര്ത്തിയിരുന്നു. യുവാവും പെണ്കുട്ടിയുമായി ബന്ധപ്പെട്ടിരുന്നതിന്റെ തെളിവുകള് വീട്ടുകാര് പോലീസിന് കൈമാറിയിട്ടുണ്ട്. വീട്ടിനടുത്തുള്ള ക്ഷേത്രത്തിലെ ഉത്സവത്തിന് രക്ഷകര്ത്താക്കള്പോയ സമയത്താണ് പെണ്കുട്ടി തൂങ്ങിമരിക്കുന്നത്. പെണ്കുട്ടിയുടെ മുറിയില് നിന്നും ഖുറാനും മുസ്ലീം സ്ത്രീ എങ്ങനെ ജീവിക്കണം, മുസ്ലീം സ്ത്രീകള്ക്കിടുന്ന പേരുകള് അടങ്ങിയ പുസ്തകം തുടങ്ങി അനേകം അറബ് പുസ്തകങ്ങള് പോലീസ് കണ്ടെത്തിയിട്ടുണ്ട്.
കേരളത്തില് ആസൂത്രിതമായി നടപ്പാക്കുന്ന ലൗജിഹാദിന്റെ ഭാഗമായി പെണ്കുട്ടിയെ സ്നേഹിച്ച് വലയിലാക്കി മതംമാറ്റാനുള്ള ശ്രമത്തിന്റെ ഭാഗമാണിതെന്ന് ബന്ധുക്കള് ആരോപിക്കുന്നു.
