കൊല്ലം: അതിവേഗത്തില് ഓടിച്ചുവന്ന മണല്ലോറി ഇടിച്ചു വൃദ്ധന് കൊല്ലപ്പെട്ട കേസില് ഡ്രൈവര്ക്ക് നാല് വര്ഷം കഠിനതടവ് ശിക്ഷ വിധിച്ച് കൊല്ലം അഡീഷണല് സെഷന്സ് കോടതി ജഡ്ജി കെ.എസ്.ശരത്ചന്ദ്രന് ഉത്തരവായി.
പടിഞ്ഞാറെ കല്ലട കോതപുരം ജോസ് കോട്ടേജില് ലിയോസ് (74) മരിച്ച കേസില് പ്രതി തൊടിയൂര് തൊടിയൂര് വടക്ക് മുറിയില് വാലുതുണ്ടില് വടക്കതില് സജീവി(32)നെയാണ് ശിക്ഷിച്ചത്. കഴിഞ്ഞവര്ഷം നവംബര് മൂന്നിന് രാവിലെ 10നാണ് കേസിനാസ്പദമായ സംഭവം നടന്നത്. അനധികൃത മണല് കയറ്റിയ ലോറി പ്രതി കണിച്ചേരി മുക്കില് നിന്നും പടിഞ്ഞാറേക്ക്് ഓടിച്ചു വന്ന് മരണപ്പെട്ട ലിയോസിന്റെ വീട്ടിലേക്കും മറ്റും പോകുന്ന ഗതാഗതയോഗ്യമല്ലാത്തതും ഇടുങ്ങിയതും, മറ്റ് റോഡുകളുമായി ബന്ധിപ്പിക്കാത്തതുമായ ഇടവഴിയിലേക്ക് പെട്ടെന്ന് തിരിച്ചു കയറ്റി ഈ റോഡിലൂടെ തെക്കോട്ട് അതിവേഗതയില് ഓടിച്ചു വരവെ തെക്ക് നിന്നും വടക്കോട്ട് റോഡിന്റെ കിഴക്ക് അതിരു ചേര്ന്ന് നടന്നുവന്ന ലിയോസിന്റെ അര‘ഭാഗത്ത് കൂടി വാഹനം കയറി ഇറങ്ങി ലിയോസ് തല്ക്ഷണം കൊല്ലപ്പെട്ടതായാണ് പ്രോസിക്യൂഷന് കേസ്.
മരണപ്പെട്ട ലോയസ് കൊട്ടാരക്കര പോലീസ് സബ് ഇന്സ്പെക്ടര് ബെന്നിലാലുവിന്റെ പിതാവാണ്. പ്രോസിക്യൂഷനു വേണ്ടി അഡീഷണല് ഗവ.പ്ലീഡറും പബ്ലിക് പ്രോസിക്യൂട്ടറുമായ അഡ്വ.കൊട്ടിയം എന്.അജിത്കുമാര്, അഡ്വ.ചാത്തന്നൂര് എന്.ജയചന്ദ്രന്, അഡ്വ: ശരണ്യ.പി എന്നിവര് കോടതിയില് ഹാജരായി.
