ആലപ്പുഴ: യാത്രയ്ക്കിടെ കെഎസ്ആര്‍ടിസി ബസിനുള്ളില്‍ തെറിച്ചുവീണ് പരിക്കേറ്റ ആശുപത്രി ജീവനക്കാരിയെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. അമ്പലപ്പുഴ ആരോഗ്യ കേന്ദ്രത്തിലെ ജീവനക്കാരിയായ എറണാകുളം ഇടകൊച്ചി ചെട്ടിക്കളം വീട്ടില്‍ അനിരുദ്ധന്റെ ഭാര്യ കുമാരി (48)യെയാണ് വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. ചൊവ്വാഴ്ച രാവിലെ പത്തേകാലോടെ കാക്കാഴം മേല്‍പ്പാലത്തിനു സമീപം തിരുവല്ല-ആലപ്പുഴ ബസിലായിരുന്നു അപകടം. മറ്റൊരു വാഹനത്തെ മറികടക്കുന്നതിനിടയില്‍ ഇവര്‍ സഞ്ചരിച്ചിരുന്ന ബസിലെ ഡ്രൈവര്‍ ബ്രേക്കു ചവിട്ടുകയും തുടര്‍ന്ന് വലതു വശം സീറ്റില്‍ ഇരുന്ന ഇവര്‍ സീറ്റില്‍ നിന്നും തെറിച്ച് ബസിനുള്ളില്‍ തന്നെ വീഴുകയായിരുന്നു. തുടര്‍ന്ന് ഇതേ ബസില്‍ തന്നെ ഇവരെ ആശുപത്രിയില്‍ എത്തിക്കുകയായിരുന്നു. തലയ്‌ക്കും നട്ടെല്ലിനും ക്ഷതമേറ്റു.
Saturday, November 30, 2024
യാത്രയ്ക്കിടെ ബസിനുള്ളില്‍ തെറിച്ചുവീണ് ആശുപത്രി ജീവനക്കാരിക്ക് പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: