വാഴക്കുളം: വാഴക്കുളം ബ്ലോക്ക് പഞ്ചായത്തിന് കീഴിലുള്ള കിഴക്കമ്പലം, വാഴക്കുളം, വെങ്ങോല എന്നീ ഗ്രാമപഞ്ചായത്തുകളിലെ അംഗന്വാടികളുടെ ക്ഷേമത്തിന് വര്ഷത്തില് വിവിധ പദ്ധതികള് നടപ്പാക്കും. പോഷകാഹാര വിതരണം, ശാരീരിക മാനസിക വെല്ലുവിളികളുള്ള കുട്ടികള്ക്ക് സ്കോളര്ഷിപ്പ്, ബഡ്സ് സ്കൂള് തുടങ്ങിയ പദ്ധതികള് നടപ്പാക്കുന്നതിനാണ് തുക വകയിരുത്തിയിട്ടുള്ളത്.
വാഴക്കുളം ഗ്രാമ പഞ്ചായത്തില് അംഗന്വാടിയിലെ പോഷകാഹാര വിതരണത്തിന് 30 ലക്ഷം രൂപയാണ് വകയിരുത്തിയിട്ടുള്ളത്. ഇതില് 20 ലക്ഷം ഗ്രാമ പഞ്ചായത്ത് വിഹിതവും 10 ലക്ഷം ഐസിഡിഎസ് കേന്ദ്ര വിഹിതവുമാണ്. അംഗന്വാടികളിലെ കുട്ടികളുടെ തൂക്കമെടുക്കുന്നതിന് സോള്ട്ടര് സ്കെയില് വാങ്ങുന്നതിനായി ഗ്രാമപഞ്ചായത്ത് 50,000 രൂപ ഫണ്ട് അനുവദിച്ചിട്ടുണ്ട്. കൂടാതെ ശാരീരിക മാനസിക വിഷമതകളനുഭവിക്കുന്ന കുട്ടികള്ക്ക് സ്കോളര്ഷിപ്പ് നല്കുന്നതിനായി ഗ്രാമപഞ്ചായത്ത് വിഹിതം 5 ലക്ഷം രൂപയും ബ്ലോക്ക് പഞ്ചായത്തിന്റെയും ജില്ല പഞ്ചായത്തിന്റെയും വിഹിതം രണ്ടര ലക്ഷം രൂപ വീതവും ഉള്പ്പടെ ആകെ 10 ലക്ഷം രൂപയും അനുവദിച്ചിട്ടുണ്ട്. വികലാംഗര്, വൃദ്ധര് എന്നിവര്ക്ക് ഉപകരണം വാങ്ങുന്നതിന് അനുവദിച്ചിട്ടുള്ള 2 ലക്ഷം രൂപ ഉപയോഗിച്ച് നാലുപേര്ക്ക് കംപ്യൂട്ടര് നല്കാനാണ് ലക്ഷ്യം. ഗ്രാമപഞ്ചായത്തിനു കീഴിലുള്ള എട്ട് അംഗന്വാടികള്ക്ക് അഡീഷണല് സിലിണ്ടര് വാങ്ങുന്നതിനായി 8264 രൂപയും വകയിരുത്തിയിട്ടുണ്ട്.
കിഴക്കമ്പലം ഗ്രാമ പഞ്ചായത്തിനു കീഴിലുള്ള അംഗനവാടികളില് ബഡ്സ് സ്പെഷ്യല് സ്കൂള് സ്ഥാപിക്കുന്നതിനായി 5 ലക്ഷം രൂപ വകയിരുത്തിയിട്ടുണ്ട്. രണ്ട് അധ്യാപകര്, രണ്ട് ആയമാര്, ഒരു കുക്ക് എന്നിവരാകും ജീവനക്കാര്. അംഗന്വാടികളിലെ ഭൗതിക സൗകര്യം വര്ധിപ്പിക്കുന്നതിനും ഉപകരണം വാങ്ങുന്നതിനുമായി 2 ലക്ഷം രൂപയാണ് ഇവിടുത്തെ ഫണ്ട്. കുഴല് കിണറും മോട്ടോറും സ്ഥാപിക്കുന്നതിന് ഒരു ലക്ഷം രൂപയും തുക വകയിരുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: