തിരുവനന്തപുരം: ബാര്‍ കോഴ വിവാദത്തില്‍ ധനമന്ത്രി കെഎം മാണിക്ക് പിന്തുണയുമായി മുസ്ലീം ലീഗ് രംഗത്ത്. മാണിക്ക് ലീഗിന്റെ പൂര്‍ണ പിന്തുണയുണ്ടെന്നും. ഈ വിഷയത്തിലെ ലീഗിന്റെ അഭിപ്രായം ബുധനാഴ്‌ച ചേരുന്ന യുഡിഎഫ് യോഗത്തില്‍ വ്യക്തമാക്കുമെന്നും മന്ത്രി പികെ കുഞ്ഞാലിക്കുട്ടി വ്യക്തമാക്കി.
കേരളാ കോണ്‍ഗ്രസ് (ബി) ചെയര്‍മാന്‍ ആര്‍ ബാലകൃഷ്‌ണപിള്ളയുടെ കാര്യത്തില്‍ നാളത്തെ യുഡിഎഫ് യോഗത്തിനു ശേഷം തീരുമാനം കൈക്കൊള്ളുമെന്നും അദ്ദേഹം പറഞ്ഞു. അതേസമയം ബാര്‍ കോഴ വിവാദം മുന്നണിയുടെ പ്രതിച്ഛായയെ ബാധിച്ചുവെന്നും. ആരോപണത്തിന്റെ പേരില്‍ മാണി രാജിവയ്‌ക്കേണ്ടതില്ലെന്നും ആര്‍എസ്‌പിനേതാവും മന്ത്രിയുമായ ഷിബു ബേബി ജോണ്‍ വ്യക്തമാക്കി. ഈ കാര്യത്തിലെ പാര്‍ട്ടിയുടെ നിലപാട് മുന്നണിയോഗത്തില്‍ അറിയിക്കുമെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക: