കൊച്ചി: കഴിഞ്ഞവര്‍ഷത്തെ പ്രബോധിനി, സന്ദീപനി, ഭാരതി പരീക്ഷാ വിജയികള്‍ക്കുള്ള പുരസ്‌കാരങ്ങളും പ്രമാണങ്ങളും വിതരണം ചെയ്യുന്ന ആശീര്‍വാദസഭ ഇന്ന് രാവിലെ 10 മണിക്ക് പെരുമ്പാവൂര്‍ ഗവ. ബോയ്‌സ് ഹയര്‍ സെക്കന്ററി സ്‌കൂള്‍ ഓഡിറ്റോറിയത്തില്‍ നടക്കും.
ഡോ. ജി. ഗംഗാധരന്‍നായരുടെ അധ്യക്ഷതയില്‍ ചേരുന്ന പരിപാടിയുടെ ഉദ്ഘാടനം ശബരിമല മുന്‍ മേല്‍ശാന്തി പി.എന്‍. നാരായണന്‍ നമ്പൂതിരി നിര്‍വഹിക്കും. വിജയികള്‍ക്കുള്ള പുരസ്‌കാരവും പ്രമാണപത്രവും പ്രൊഫ. ബി. മധുസൂദനക്കുറുപ്പ് (വൈസ്ചാന്‍സലര്‍, കേരള യൂണിവേഴ്‌സിറ്റി ഓഫ് ഫിഷറീസ് ആന്റ് ഓഷ്യന്‍ സ്റ്റഡീസ്) നല്‍കും.
ആര്‍. പ്രസന്നകുമാര്‍, പ്രൊഫ. സി.ജി. രാജഗോപാല്‍, ഡോ. എം.പി. ഉണ്ണികൃഷ്ണന്‍ എന്നിവര്‍ ചടങ്ങില്‍ സംബന്ധിക്കും.
പ്രതികരിക്കാൻ ഇവിടെ എഴുതുക: