ആലപ്പുഴ: നോക്കുകൂലിയെ ചൊല്ലി സിഐടിയുക്കാരും കരാറുകാരും തമ്മില്‍ തര്‍ക്കം, ഒടുവില്‍ പോലീസിന്റെ സാന്നിദ്ധ്യത്തില്‍ തടികയറ്റി. ആലപ്പുഴ ബൈപ്പാസ് നിര്‍മ്മാണവുമായി ബന്ധപ്പെട്ട് ഒരുമാസം മുമ്പ് കളര്‍കോട് ദേശീയപാതയോരത്തെ എട്ടോളം വന്‍മരങ്ങള്‍ വെട്ടി മാറ്റിയിരുന്നു. എന്നാല്‍ മാര്‍ഗതടസം ഉണ്ടാകുന്നതിനെ തുടര്‍ന്ന് മരങ്ങള്‍ ഇവിടെ നിന്നും മാറ്റണമെന്ന് ദേശീയപാതവിഭാഗം കരാറുകാരന് നിര്‍ദ്ദേശം നല്‍കി.
എന്നാല്‍ ബുധനാഴ്ച രാവിലെ കരാറുകാരന് തടി കൊണ്ടുപോകുന്നതിനായി ക്രെയിനും ലോറിയുമായി കളര്‍കോട് എത്തിയെങ്കിലും നോക്കുകൂലി തരാതെ തടി ലോറിയില്‍ കയറ്റാന്‍ അനുവദിക്കില്ലെന്ന് പ്രഖ്യാപിച്ച് കളര്‍കോട് യൂണിറ്റിലെ സിഐടിയുക്കാര്‍ രംഗത്ത് വരുകയായിരുന്നു. പരാതി നല്‍കിയതിന്റെ അടിസ്ഥാനത്തില്‍ വന്‍ പോലീസ് സന്നാഹം സ്ഥലത്ത് എത്തി. പോലീസ് സാന്നിദ്ധ്യത്തില്‍ കരാറുകാരന് തടി കയറ്റുകയായിരുന്നു.
പ്രതികരിക്കാൻ ഇവിടെ എഴുതുക: