ഭോപ്പാല്: കിടക്കയില് മൂത്രമൊഴിച്ചതിന് അഞ്ച് വയസുകാരിയുടെ സ്വകാര്യഭാഗം മെഴുകുതിരി ഉപയോഗിച്ച് പൊള്ളിച്ചു. മദ്ധ്യപ്രദേശിലെ ഭോപ്പാലിലുള്ള ‘ലാഡ്ലി ആശ്രയ് ഗ്രഹ്’ എന്ന ഗവണ്മെന്റ് ഷെല്ട്ടര് ഹോസ്റ്റലിലെ ജീവനക്കാരിയായ കലാവതിയാണ് അഞ്ച് വയസുകാരിയെ പൊള്ളലേല്പ്പിച്ചത്.
ഡിസംബര് ഒന്നിനാണ് രേഖയും ഭര്ത്താവ് അഹിര്വാളും തന്റെ രണ്ട് പെണ്കുട്ടികളെ ഹോസ്റ്റലില് കൊണ്ടുവിട്ടത്. മാസങ്ങള്ക്ക് ശേഷം ജനുവരി 17ന് മക്കളെ ഇരുവരെയും മാതാപിതാക്കള് തിരികെ വീട്ടില് കൊണ്ടു പോയി. വീട്ടിലെത്തിയ ശേഷം ഇളയ മകളെ കുളിപ്പിക്കുന്നതിനിടെയാണ് സ്വകാര്യ ഭാഗത്തെ പൊള്ളലുകള് അമ്മയുടെ ശ്രദ്ധയില്പ്പെട്ടത്. തുടര്ന്ന് അമ്മ വിവരം ചോദിച്ചപ്പോള് ആണ് കുട്ടി സംഭവം പറയുന്നത്.
കിടക്കയില് മൂത്രമൊഴിച്ചതിന് ഹോസ്റ്റലിലെ ജീവനക്കാരിയായ കലാവതി മെഴുകുതിരി ഉപയോഗിച്ച് പൊള്ളലേല്പ്പിക്കുകയായിരുന്നുവെന്നാണ് പറഞ്ഞത്. സംഭവത്തെ തുടര്ന്ന് രേഖയും ഭര്ത്താവ് അഹിര്വാളും ഹോസ്റ്റലില് എത്തി വിവരങ്ങള് തിരിക്കുകയും, കുട്ടി പറഞ്ഞത് സത്യമാണെന്ന് മനസിലാക്കുകയുമായിരുന്നു. ഇതേ തുടര്ന്ന് കുട്ടിയുടെ അമ്മ നല്കിയ പരാതിയുടെ അടിസ്ഥാനത്തില് ഹോസ്റ്റല് ജീവനക്കാരിക്ക് എതിരെ പൊലീസ് കേസെടുത്തു.
പ്രതികരിക്കാൻ ഇവിടെ എഴുതുക: