തിരുവനന്തപുരം: ബിജു രമേശുമായി കൂടിക്കാഴ്ച നടത്തിയെന്ന് ബ്ലാക് മെയിലിങ് കേസിലെ പ്രതി ബിന്ധ്യാസ് തോമസ്. ബിജു രമേശിന്റെ വീട്ടിലാണ് കൂടിക്കാഴ്ച നടത്തിയതെന്നും അതിന്റെ വസ്തുതകള്‍ വെളിപ്പെടുത്തുമെന്നും ബിന്ധ്യാസ് വ്യക്തമാക്കി.
അതേസമയം പി.സി. ജോര്‍ജ് പറഞ്ഞയച്ചിട്ടാണു ബിന്ധ്യാസ് തോമസ് തന്നെ കാണാന്‍ ശ്രമിച്ചതെന്നും ബിന്ധ്യാസ് വന്നപ്പോള്‍ തന്നെ ഇറക്കിവിട്ടെന്നുമാണ് ബിജു രമേശ് പറയുന്നത്. തന്നെ അപകീര്‍ത്തിപ്പെടുത്തുവാനുള്ള ശ്രമത്തിന്റെ ഭാഗമാണിതെന്നും ബിജു കൂട്ടിച്ചേര്‍ത്തു.
ബിജു രമേശ് മാനസിക രോഗിയാണെന്നും പി.സി. ജോര്‍ജ് പ്രതികരിച്ചു. ബിജുവിന് അധോലോകവുമായി ബന്ധമുണ്ടെന്നും ജോര്‍ജ് ആരോപിച്ചു.
പ്രതികരിക്കാൻ ഇവിടെ എഴുതുക: