ന്യൂദല്‍ഹി : ആംആദ്മി പാര്‍ട്ടിയുടെ മറവില്‍ നടക്കുന്ന പ്രവര്‍ത്തനങ്ങള്‍ വെളിച്ചത്തുകൊണ്ടുവരുമെന്ന് സാമൂഹ്യ പ്രവര്‍ത്തകയും മുന്‍ മാധ്യമ പ്രവര്‍ത്തകയുമായ ഷാസിയ ഇല്‍മി. പാര്‍ട്ടി പ്രവര്‍ത്തകയായിരുന്നപ്പോള്‍ എഎപിയെ കുറിച്ച് മനസ്സിലാക്കിയത് ജനങ്ങള്‍ക്കു മുന്നില്‍ തുറന്നുകാണിക്കുമെന്നും ഷാസിയ ഇല്‍മി അറിയിച്ചു.
എഎപിയില്‍ നിന്നും രാജിവെയ്‌ക്കാന്‍ തന്നെ പ്രേരിപ്പിച്ച ഘടകങ്ങള്‍ എന്തൊക്കെയാണെന്നു ജനങ്ങളെ അറിയിക്കും. പാഴ്‌വാഗ്ദാനങ്ങള്‍ നല്‍കി ജനങ്ങളെ വഞ്ചിക്കുന്നതുള്‍പ്പടെയുള്ളവ വെളിച്ചത്തുകൊണ്ടു വരും.
അടുത്തിടെ നിരവധി പ്രവര്‍ത്തകരാണ് പാര്‍ട്ടിവിട്ടത്. ദല്‍ഹി നിയമസഭാ തെരഞ്ഞെടുപ്പ് അടുത്തിരിക്കുന്ന സാഹചര്യത്തില്‍ ഇത് എഎപിക്ക് വന്‍ തിരിച്ചടിയാകുമെന്നും ഇല്‍മി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: