തിരുവനന്തപുരം: തുമ്പയില്‍ കാറില്‍ മദ്യപിച്ചിരുന്നവരും അതുവഴി പോയ വൈദികനും തമ്മിലുണ്ടായ തര്‍ക്കവും തുടര്‍ന്നുണ്ടായ അടിപിടിയിലും 5 പേര്‍ക്ക് പരിക്കേറ്റു. പരിക്കേറ്റവരെ മെഡിക്കല്‍കോളേജ് ആശുപത്രിയില്‍ പ്രവേശിപ്പിച്ചു. ഇന്നലെ രാത്രിയിലായിരുന്നു സംഭവം.
രാത്രിയില്‍ തുമ്പ പള്ളിക്ക് സമീപം കാറിലിരുന്ന് ചിലര്‍ മദ്യപിക്കുന്നത് അതുവഴി നടന്നുപോയ വൈദികന്റെ കണ്ണില്‍പ്പെട്ടു. അദ്ദേഹം കാറിന്റെ നമ്പര്‍ കുറിച്ചെടുത്തു. ഇതുകണ്ട് കാറിലുള്ളവര്‍ പുറത്തിറങ്ങി വൈദികനുമായി വഴക്കിട്ടു.
ഇതിനിടെ വൈദികനൊപ്പം വന്ന സഹായി മൊബൈലില്‍ കാറിന്റെ ഫോട്ടോ എടുക്കാന്‍ ശ്രമിച്ചതോടെ ഉന്തും തള്ളുമായി. ഇതറിഞ്ഞ് സ്ഥലത്തെത്തിയ ഒരു വിഭാഗം മദ്യപസംഘത്തെ മര്‍ദ്ദിച്ചു. അതേസമയം അടി കൊണ്ട സംഘാംഗങ്ങളുടെ ആള്‍ക്കാര്‍ പിന്നീട് സംഘടിച്ചെത്തി മര്‍ദ്ദിച്ചവരെ കണ്ടെത്തി തിരിച്ചും കൈകാര്യം ചെയ്തുവെന്നും അറിയുന്നു
പ്രതികരിക്കാൻ ഇവിടെ എഴുതുക: