ഹരിപ്പാട്: അമ്പലപ്പുഴ ഉപജില്ലാ കലോത്സവം വ്യാഴാഴ്ച മുതല്‍ ആറു വരെ മംഗലം ഗവ. ഹയര്‍ സെക്കണ്ടറി സ്‌കൂളില്‍ നടക്കും. മംഗലം ഗവ. ഹയര്‍ സെക്കണ്ടറി സ്‌കൂള്‍, ഗവ. എല്‍പി സ്‌കൂള്‍, മംഗലം ഇടയ്‌ക്കാട് ജ്ഞാനേശ്വരം ക്ഷേത്രയോഗം വക ആറാട്ടുപുഴ വേലായുധപ്പണിക്കര്‍ സ്മാരകം എന്നിവിടങ്ങളിലായി പ്രത്യേകം തയാറാക്കുന്ന ആറു വേദികളിലായണ് മത്സരങ്ങള്‍ നടക്കുന്നത്. ഉപജില്ലയിലെ 62 സ്‌കൂളുകളില്‍ നിന്ന് മൂവായിരത്തോളം വിദ്യാര്‍ത്ഥികള്‍ ആറ് വേദികളിലായി 322 ഇനങ്ങളിലെ മത്സരത്തില്‍ മാറ്റുരക്കും. ഇതിനുള്ള ഒരുക്കങ്ങള്‍ പൂര്‍ത്തിയായതായി സ്വാഗത സംഘം ഭാരവാഹികള്‍ അറിയിച്ചു. ഉച്ചയ്‌ക്ക് 2.30ന് ആറാട്ടുപുഴ എംഇഎസ് ജങ്ഷനില്‍ നിന്ന് സാംസ്‌കാരിക ഘോഷയാത്ര ആരംഭിച്ച് മത്സര നഗറില്‍ എത്തിച്ചേരും. തുടര്‍ന്ന് സമ്മേളനം ജില്ലാ പഞ്ചായത്ത് പ്രസിഡന്റ് പ്രതിഭാഹരി ഉദ്ഘാടനം ചെയ്യും. ആറാട്ടുപുഴ പഞ്ചായത്ത് പ്രസിഡന്റ് കെ.കരുണാകരന്‍ അദ്ധ്യക്ഷത വഹിക്കും. ആറിന് വൈകിട്ട് 4.30ന് നടക്കുന്ന സമാപന സമ്മേളന ഉദ്ഘാടനവും സമ്മാനദാനവും ജി.സുധാകരന്‍ എംഎല്‍എ നിര്‍വഹിക്കും. മുതുകുളം ബ്ലോക്ക് പഞ്ചായത്ത് പ്രസിഡന്റ് ബബിതാ ജയന്‍ അദ്ധ്യക്ഷത വഹിക്കും.
Thursday, November 28, 2024
അമ്പലപ്പുഴ ഉപജില്ലാ കലോത്സവം വ്യാഴാഴ്ച തുടങ്ങും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: