കട്ടക്: ബാലവേല ചെയ്തുവന്ന 13 കുട്ടികളെ കട്ടക്കില് നിന്നും രക്ഷപ്പെടുത്തി. പോലീസിന്റെ സഹായത്തോടെ ചൈല്ഡ് വെല്ഫെയര് കമ്മറ്റിയാണ് (സിഡബ്ല്യുസി) കുട്ടികളെ രക്ഷപ്പെടുത്തിയത്.
ഹോട്ടലുകളിലും മദ്യശാലകളിലും കെട്ടിടനിര്മാണ തൊഴിലിടങ്ങളിലും മറ്റും ജോലി ചെയ്തിരുന്ന 14 വയസ്സില് താഴെയുള്ള 13 കുട്ടികളെയാണ് രക്ഷപ്പെടുത്തിയതെന്ന് സിഡബ്ല്യുസിയുടെ അംഗം പ്രദീപ് കുമാര് പട്നായിക് പറഞ്ഞു. ഇതിനു മുമ്പ് 10 വയസ്സുള്ള ഒരു ആണ്കുട്ടിയേയും സിഡബ്ല്യുസി രക്ഷപ്പെടുത്തിയിരുന്നു. കുട്ടിയെ അവന്റെ അച്ഛന് പണം കടം വാങ്ങിയത് തിരിച്ചടക്കാന് സാധിക്കാതെ ഒരു ദമ്പതികള്ക്ക് പണയപ്പെടുത്തിയിരിക്കുകയായിരുന്നു.
