കാക്കനാട്: കളമശ്ശേരി ഭൂമി തട്ടിപ്പ് കേസില്‍ പ്രതിയായ സലിം രാജും,സസ്‌പെന്‍ഷനില്‍ കഴിയുന്ന പൊതുമരാമത്ത് വകുപ്പ് സെക്രട്ടറി ടി.ഒ. സൂരജുമായുള്ള അവിശുദ്ധ ബന്ധം അന്വേഷിക്കണമെന്ന് ബിജെപി കളമശ്ശേരി നിയോജക മണ്ഡലം കമ്മറ്റി. പൊതുമരാമത്ത് വകുപ്പിന്റെ കീഴില്‍ നടക്കുന്ന നിര്‍മാണ പ്രവര്‍ത്തനങ്ങളിലെ വന്‍ അഴിമതികളില്‍പ്പെട്ട പ്രമുഖരുടെ പങ്ക് പുറത്തുകൊണ്ടുവരണമെന്നും പ്രസിഡന്റ് കെ.എസ് . ഉദയകുമാര്‍, ജനറല്‍ സെക്രട്ടറി എ.സുനില്‍ കുമാര്‍ എന്നിവര്‍ ആവശ്യപ്പെട്ടു.
തടിക്കടവ് റെഗുലേറ്റര്‍ കം ബ്രിട്ജ് നിര്‍മാണത്തിനിടയില്‍ തകര്‍ന്നു വീഴാനിടയാക്കിയത് പൊതുമരാമത്ത് വകുപ്പിന്റെ അനാസ്ഥയാണ്. പൊതുമരാമത്ത് വകുപ്പ് നേരിട്ട് നടത്തുന്ന മുഴുവന്‍ നിര്‍മാണ പ്രവര്‍ത്തനങ്ങളും, വകുപ്പ് തലത്തിലും ഉദ്യോഗസ്ഥതലത്തിലും നടക്കുന്ന അഴിമതികളും വിജിലന്‍സിനെ കൊണ്ട് അന്വേഷിപ്പിക്കണമെന്നും ഇവര്‍ ആവശ്യപ്പെട്ടു. ഈ ആവശ്യങ്ങള്‍ ഉന്നയിച്ച് പൊതുമരാമത്ത് മന്ത്രിയുടെ ആഫീസിലേക്ക് ബിജെപി മാര്‍ച്ച് നടത്തും.
പ്രതികരിക്കാൻ ഇവിടെ എഴുതുക: