തിരുവനന്തപുരം: മന്നംജയന്തിയും അയ്യന്കാളി ജയന്തിയും പൊതുഅവധിയാക്കാന് മന്ത്രിസഭായോഗം തീരുമാനിച്ചു. വിശ്വകര്മ്മ ജയന്തിക്ക് നിയന്ത്രിത അവധി നല്കും. മന്നം ജയന്തി ശതാബ്ദി ആഘോഷങ്ങളുടെ ഭാഗമായാണ് മന്നം ജയന്തി പൊതു അവധിയായി അടുത്ത വര്ഷത്തെ കലണ്ടറില് ഉള്പ്പെടുത്തിയതെന്ന് മുഖ്യമന്ത്രി വിശദീകരിച്ചു. മന്നം ജയന്തിക്ക് ഇതുവരെ നിയന്ത്രിത അവധിയായിരുന്നു നല്കിയിരുന്നത്.
പൊതു അവധി അനുവദിക്കണമെന്നാവശ്യപ്പെട്ട് മറ്റേതെങ്കിലും സംഘടനകളുടെ ആവശ്യം മന്ത്രിസഭ പരിഗണിച്ചോ എന്ന ചോദ്യത്തിന് മുഖ്യമന്ത്രി മറുപടി പറഞ്ഞില്ല.
കേന്ദ്രസര്ക്കാരിനേക്കാള് സംസ്ഥാനത്ത് പൊതുഅവധികളുടെ എണ്ണം കൂടുതലാണെന്ന കാര്യം ശ്രദ്ധയില്പ്പെടുത്തിയപ്പോള്, കേന്ദ്രത്തില് ആഴചയില് അഞ്ചു പ്രവൃത്തിദിവസം മാത്രമാണുള്ളതെന്നും കേരളത്തില് പ്രവൃത്തി ദിവസങ്ങളുടെ എണ്ണം കൂടുതലാണെന്നുമായിരുന്നു മറുപടി.
പ്രതികരിക്കാൻ ഇവിടെ എഴുതുക: