ന്യൂദല്‍ഹി: ഭാരതത്തിന്റെ തലസ്ഥാനമായ ന്യൂദല്‍ഹിയില്‍ ഭീകരാക്രമണം നടത്താന്‍ പാക്കിസ്ഥാന്‍ തയാറെടുക്കുന്നുവെന്ന് കേന്ദ്ര രഹസ്യാന്വേഷണ ഏജന്‍സികളുടെ മുന്നറിയിപ്പ്. പാക്കിസ്ഥാനില്‍ നിന്നും അയച്ച ആയുധങ്ങളും വെടിമരുന്നുകളുമുള്‍പ്പടെയുള്ള വസ്തുക്കളും ദല്‍ഹി എന്‍.സി.ആര്‍ പ്രദേശത്തേക്ക് അയച്ചിട്ടുണ്ടെന്നും ഏജന്‍സികള്‍ വ്യക്തമാക്കി.
ആയുധങ്ങള്‍ എത്തിയത് രാജാസ്ഥാനിലൂടെയാണ്. ഇവ ഫരീദാബാദിലെ ഒരു സ്ഥലത്ത് സൂക്ഷിച്ചിരിക്കുകയാണ്. ഭീകരര്‍ കറാച്ചിയില്‍ നിന്നും തിരിച്ചിട്ടുണ്ടെന്നും രഹസ്യാന്വേഷണ എജന്‍സികള്‍ക്ക് വിവരം ലഭിച്ചിട്ടുണ്ട്. ഉത്സവ ആഘോഷങ്ങളില്‍ ദല്‍ഹി നഗരം മുങ്ങിയിരിക്കുമ്പോള്‍ ആക്രമണം നടത്താനാണ് പദ്ധതി.
ദല്‍ഹിയിലെ തിരക്കേറിയ വിമാനത്താവളങ്ങള്‍, റെയില്‍വെ സ്റ്റേഷനുകള്‍, മെട്രോ സ്റ്റേഷനുകള്‍, കൂടുതല്‍ ജനങ്ങള്‍ ഒത്തുകൂടുന്ന മാളുകള്‍ തുടങ്ങിയ സ്ഥലങ്ങളായിരിക്കും പാകിസ്ഥാന്‍ ലക്ഷ്യമിടാന്‍ സാധ്യതയെന്നാണ് ഇന്റലിജന്‍സ് ബ്യൂറോയുടെ മുന്നറിയിപ്പ്.
മുന്നറിയിപ്പിനെ തുടര്‍ന്ന് പൊതു സ്ഥലങ്ങളിലും, മാര്‍ക്കറ്റുകള്‍ എന്നിവിടങ്ങളില്‍ സുരക്ഷ ശക്തമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: