തൊടുപുഴ : സാമ്പത്തിക പരാധീനതകള്‍ക്കിടെ പടുത്തുടര്‍ത്തിയ വീടിന്റെ പാലുകാച്ചല്‍ ചടങ്ങ് നടക്കും മുന്‍പേ വണ്ണപ്പുറം കാട്ടുവടക്കേതില്‍ ദീലീപിനോട് വിധി ക്രൂരതകാട്ടി. കയറിപ്പാര്‍ക്കുന്നതിന് മുന്‍പ് മണ്ണാര്‍ശാല ക്ഷേത്രത്തില്‍ ദര്‍ശനത്തിന് പോയി മടങ്ങിവരുന്നവഴി ചങ്ങനാശേരിയില്‍ വച്ചാണ് ദിലീപ് സഞ്ചരിച്ചിരുന്ന ജീപ്പ് അപകടത്തില്‍പ്പെട്ടത്. സിഗ്നല്‍ തെറ്റിച്ച് കടന്ന് വന്ന കാര്‍ ദിലീപ് യാത്ര ചെയ്ത ജീപ്പില്‍ ഇടിക്കുകയിരുന്നു. ഇയാള്‍ ഇരുന്ന ഭാഗത്താണ് നിയമം തെറ്റിച്ച് വന്ന വാഹനം ഇടിച്ച് കയറിയത്. ഇടിയുടെ ആഘാതത്തില്‍ തലയ്‌ക്ക് ഗുരുതരമായി പരിക്കേറ്റ ദിലീപ് മരണത്തിന് കീഴടങ്ങി. ദിലീപിന്റെ കുടുംബത്തിന്റെ സാമ്പത്തിക സ്ഥിതി മോശമായിരുന്നു. അച്ഛന് തടിപ്പണിയാണ്. കെട്ടിടനിര്‍മ്മാണ തൊഴിലാളിയായ ദിലീപ് ജോലി ചെയ്ത് കിട്ടുന്ന പണം സ്വരൂപിച്ച് വച്ചാണ് പുതിയ വീട് പണുതത്. അല്പം പണി ബാക്കിയുണ്ടെങ്കിലും കയറി താമസിക്കാമെന്ന് കരുതി. ഇന്നലെയായിരുന്നു വീടിന്റെ പാലുകാച്ചല്‍ നിശ്ചയിച്ചിരുന്നത്.
Saturday, November 23, 2024
വീടിന്റെ പാലുകാച്ചല്‍ ചടങ്ങിന് മുന്‍പേ ദിലീപിനെ വിധി കവര്‍ന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: