തിരക്കഥാകൃത്ത് സച്ചി സംവിധായകനാകുന്നു

പ്രശസ്ത തിരക്കഥാകൃത്ത് സച്ചി ആദ്യമായി സംവിധാനം നിര്‍വഹിക്കുന്ന ചിത്രത്തില്‍ പ്രിഥ്വിരാജും ബിജു മേനോനും കേന്ദ്രകഥാപാത്രങ്ങളാവുന്നു. നായികയേയും മറ്റ് കഥാപാത്രങ്ങളേയും തീരുമാനിച്ചിട്ടില്ല. സംഗീതത്തിനും പ്രണയത്തിനും പ്രാധാന്യം നല്‍കിക്കൊണ്ട് ഒരുക്കുന്ന ചിത്രത്തിന് തിരക്കഥ രചിച്ചിരിക്കുന്നതും സച്ചിയാണ്. രാജീവ് നായരാണ് ചിത്രം നിര്‍മിക്കുന്നത്. കൊച്ചി, ലഖ്‌നൗ, ലക്ഷദ്വീപ് എന്നിവിടങ്ങളിലായിട്ടാണ് ചിത്രീകരണം. അടുത്തവര്‍ഷം ആദ്യം ചിത്രം പ്രദര്‍ശനത്തിനെത്തും.