ആലപ്പുഴ: നീര്‍ക്കുന്നത്തും പുറക്കാടുമുണ്ടായ വ്യത്യസ്ത അപകടങ്ങളില്‍ മൂന്നുപേര്‍ക്ക് പരിക്ക്. നീര്‍ക്കുന്നത്ത് കാറിടിച്ച് പരിക്കേറ്റ വൃദ്ധനെ ഗുരുതരാവസ്ഥയില്‍ നിര്‍ക്കുന്നം ബംഗ്ലാ പറമ്പില്‍ അബ്ദുള്‍ ഖാദറിന്റെ മകന്‍ ഖാലിദി (63)നെ വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഞായറാഴ്ച ഉച്ചയ്‌ക്ക് ഒന്നാടെ ദേശീയപാതയില്‍ നീര്‍ക്കുന്നം തേവരുനടയിലായിരുന്നു അപകടം. അമ്പലപ്പുഴ ഭാഗത്തേയ്‌ക്ക് പോകാന്‍ ബസ് സ്‌റ്റോപ്പില്‍ നിന്ന ഇയാളെ എതിര്‍ ദിശയില്‍ നിന്നും വന്ന കാര്‍ ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തില്‍ തലയ്‌ക്കും കൈകാലുകള്‍ക്കും പരിക്കേറ്റ ഇയാളെ നാട്ടുകാര്‍ ആശുപത്രിയില്‍ എത്തിക്കു കയായിരുന്നു.
പുറക്കാട് ബൈക്കുകള്‍ തമ്മില്‍ കൂട്ടിയിടിച്ച് രണ്ടുപേര്‍ക്ക് പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. പുറക്കാട് കരൂര്‍ ഹസീന മന്‍സിലില്‍ ഉമ്മര്‍ മുസ്‌ലിയാരുടെ മകന്‍ അമീന്‍ (48), കാക്കാഴം മാഹീന്‍ മന്‍സിലില്‍ നാസറിന്റെ മകന്‍ മാഹീന്‍ (18) എന്നിവരെയാണ് ആശുപത്രിയില്‍ പ്രവേശിപ്പിച്ചത്. ഞായറാഴ്ച രാവിലെ പത്തരയോടെ ദേശീയ പാതയില്‍ വളഞ്ഞവഴി ജങ്ഷനിലായിരുന്നു അപകടം. ഇരുദിശയില്‍ കൂടിഇരുവരും സഞ്ചരിക്കുകയായിരുന്ന ബൈക്കുകള്‍ കുട്ടിയിടിക്കുകയായിരുന്നു. അമ്പലപ്പുഴ പോലീസ് മേല്‍നടപടി സ്വീകരിച്ചു.
പ്രതികരിക്കാൻ ഇവിടെ എഴുതുക: