കൊച്ചി: ഇന്ത്യന്‍ സൂപ്പര്‍ ലീഗ് ഫുട്‌ബോള്‍ ടീം കേരള ബ്ലാസ്റ്റേഴ്‌സിന്റെ ലോഗോ പ്രകാശനം ഇന്ന് കൊച്ചിയില്‍. ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ സഹ ഉടമസ്ഥനായുള്ള ടീമിന്റെ ലോഗോ പുറത്തിറങ്ങുമ്പോള്‍ സാക്ഷികളാവാന്‍ സൂപ്പര്‍ താരങ്ങളുമെത്തും.
മാര്‍ക്വീ താരവും കോച്ചുമായ മുന്‍ ഇംഗ്ലീഷ് ഗോളി ഡേവിഡ് ജെയിംസ്, പ്രീമിയര്‍ ലീഗ് താരം മൈക്കല്‍ ചോപ്ര, പരിശീലകന്‍ ട്രെവര്‍ മോര്‍ഗന്‍ എന്നിവര്‍ ലോഗോ പ്രകാശന വേദിയില്‍ അണിനിരക്കും. ടീം ഉടമസ്ഥരിലൊരാളായ പി.വി.പി വെഞ്ച്വേഴ്‌സ് ഉടമ പ്രസാദ് വി. പൊട്‌ലൂരിയും ചടങ്ങില്‍ പങ്കെടുക്കും.
ഒക്ടോബര്‍ 12ന് കിക്കോഫ് ചെയ്യുന്ന ഇന്ത്യന്‍ സൂപ്പര്‍ ലീഗില്‍ 15 ന് ഗുവഹത്തിയിലെ ഇന്ദിരാഗാന്ധി സ്‌റ്റേഡിയത്തില്‍ നോര്‍ത്ത് ഈസ്റ്റ് യുണൈറ്റഡിനെതിരെയാണ് ബ്ലാസ്റ്റേഴ്‌സിന്റെ ആദ്യ മത്സരം. ഒക്ടോബര്‍ 19ന് ചെന്നൈയില്‍ ചെന്നൈ ടൈറ്റന്‍സിനെയും 22ന് പുനെയില്‍ എഫ്‌സി പുനെ സിറ്റിയെയും നേരിട്ട ശേഷമാവും കേരളത്തിന്റെ പ്രതിനിധികളായ ബ്ലാസ്റ്റേഴ്‌സ് ആദ്യ ഹോം മത്സരത്തിന് കൊച്ചിയിലെത്തുക.
പ്രതികരിക്കാൻ ഇവിടെ എഴുതുക: