ബാഴ്‌സലോണ: സ്പാനിഷ് ലീഗില്‍ ബാഴ്‌സലോണയ്‌ക്ക് തുടര്‍ച്ചയായ രണ്ടാം ജയം. ബ്രസീലിയന്‍ സൂപ്പര്‍ താരം നെയ്മറുടെ ഇരട്ട ഗോളുകള്‍ ഇത്തവണ അവര്‍ക്ക് അത്‌ലറ്റിക്ക് ബില്‍ബാവോയ്‌ക്കുമേല്‍ വിജയമൊരുക്കി (2-0). രണ്ടാം പകുതിയിലായിരുന്നു നെയ്മറുടെ സ്‌ട്രൈക്കുകള്‍ (79, 84 മിനിറ്റ്). ഇതോടെ ആറു പോയിന്റോടെ ബാഴ്‌സ ടേബിളിന്റെ തലപ്പത്തു നിലയുറപ്പിച്ചു.
ജര്‍മന്‍ ബുണ്ടെസ് ലീഗയില്‍ ഇപ്പോഴത്തെ ചാമ്പ്യന്‍മാരായ ബയേണ്‍ മ്യൂണിച്ചും ജയം രുചിച്ചു. മറുപടിയില്ലാത്ത രണ്ടു ഗോളുകള്‍ക്ക് സ്റ്റുട്ട്ഗര്‍ട്ടിനെയാണ് ബയേണ്‍ മറികടന്നത്. മരിയോ ഗോട്‌സെയും (27) ഫ്രാങ്ക് റിബറിയും (85) അവരുടെ ഗോളടിവീരര്‍.
പ്രതികരിക്കാൻ ഇവിടെ എഴുതുക: