യൗണ്ടെ: ആഫ്രിക്കന്‍ നേഷന്‍സ് കപ്പ് യോഗ്യതാ റൗണ്ടില്‍ കാമറൂണിന്റെ വിജയരഥത്തിന് തടയില്ല. ഗ്രൂപ്പ് ഡിയിലെ ഹൈ വോള്‍ട്ടേജ് മുഖാമുഖത്തില്‍ പ്രധാന പ്രതിയോഗികളായ ഐവറികോസ്റ്റിനെ ഒന്നിനെതിരെ നാലു ഗോളുകള്‍ക്ക് കാമറൂണ്‍ മുട്ടുകുത്തിച്ചു.
സ്‌ട്രൈക്കര്‍ വിന്‍സെന്റ് അബൗബെക്കറും ക്ലിന്റണ്‍ നൈയും രണ്ടു ഗോളുകള്‍ വീതം സ്‌കോര്‍ ചെയ്തു. യായ ടൂറെ ഐവറികോസ്റ്റിന്റെ ആശ്വാസ സ്‌കോറര്‍. ഗ്രൂപ്പ് എയില്‍ ദക്ഷിണാഫ്രിക്കയും നൈജീരിയയും ഗോള്‍ രഹിത സമനിലയില്‍ പിരിഞ്ഞു; കോംഗോ സുഡാനെ 2-0ത്തിനു പരാജയപ്പെടുത്തി. ഗ്രൂപ്പ് ഇയില്‍ ടോഗോയെ രണ്ടിനെതിരെ മൂന്നുഗോളുകള്‍ക്ക് ഘാന അതീജിവിച്ചു.
പ്രതികരിക്കാൻ ഇവിടെ എഴുതുക: