കളമശ്ശേരി: മെട്രോ നഗരമെന്ന നിലയിലും, കേരളത്തിന്റെ വ്യാവസായികമേഖലയുടെ ഹൃദയമെന്ന നിലയിലും,കളമശ്ശേരിയില് എയിംസ് സ്ഥാപിക്കണമെന്ന് ബി.ജെ.പി കളമശ്ശേരി നിയോജകമണ്ഡലം നേതൃയോഗം ആവശ്യപ്പെട്ടു. ഇതിനാവശ്യമായ 300 ഏക്കര് സ്ഥലം കളമശ്ശേരി മെഡിക്കല് കോളേജിന്റെ കൈവശമുണ്ട്. കേരളത്തിന്റെ മധ്യഭാഗമായ എറണാകുളത്ത് എയിംസ് വരുന്നത് എല്ലാവര്ക്കും സൗകര്യപ്രദമായിരിക്കുമെന്നും പ്രമേയത്തിലൂടെ ആവശ്യപ്പെട്ടു.
അന്താരാഷ്ട്ര വിമാനത്താവളം, കൂടുതല് വികസനത്തിനാവശ്യമായ സ്ഥലം, വൈദ്യുതി, ജലം, റെയില്പാത, മറ്റ് അടിസ്ഥാന സൗകര്യങ്ങള് എന്നിവ യഥേഷ്ടമുള്ളതിനാല് കളമശ്ശേരിയില് തന്നെ എയിംസ് നിര്മ്മിക്കണമെന്നാവശ്യപ്പെട്ട് കേന്ദ്ര സര്ക്കാറിന് നിവേദനം നല്കാനും യോഗം തീരുമാനിച്ചു.
എയിംസ് എറണാകുളം ജില്ലയിലെ കളമശ്ശേരിയില് വരുകയാണെങ്കില് ഇപ്പോള് മെഡിക്കല് കോളേജ് കാമ്പസില് പ്രവര്ത്തിക്കുന്ന ഓഫീസുകള് ഒഴിവാക്കാനാ കും. എയിംസിന് 200 ഏക്കര് മതിയെന്നാണ് കേന്ദ്രസര്ക്കാര് വ്യക്തമാക്കിയിരിക്കുന്നത്. സ്ഥലം പോരെങ്കില് എച്ച്.എം.ടി യുടെ സ്ഥലം സര്ക്കാരിന് ഏറ്റെടുക്കാം.
നിയോജകമണ്ഡലം അദ്ധ്യക്ഷന് കെ.എസ്സ്.ഉദയകുമാര് പ്രമേയം അവതരിപ്പിച്ചു. നിയോജകമണ്ഡലം നേതൃയോഗം ബി.ജെപി ജില്ല ജനറല് സെക്രട്ടറി എന്.പി.ശങ്കരന്കുട്ടി ഉദ്ഘാടനം ചെയ്തു.
ജില്ല ഉപാദ്ധ്യക്ഷന് ടി.പി.മുരളീധരന് മുഖ്യപ്രഭാഷണം നടത്തി. യുവമോര്ച്ച ജില്ല പ്രസിഡന്റ് ശ്രീകാന്ത് ശ്രീധരന്, ജില്ല സമിതി അംഗങ്ങള് എം.സി.മണി, കെ. സി.രാജപ്പന് സി.കെ. ഗോപിനാഥ്, മണ്ഡലം വൈസ് പ്രസിഡന്റ് കെ.പി.ഹരിഹരന്, യുവമോര്ച്ച മണ്ഡലം അദ്ധ്യക്ഷന് എബിന്രാജ,് മുനിസിപ്പല് ജനറല് സെക്രട്ടറി എം.എ.തങ്കപ്പന്, ബി.ജെപി നിയോജകമണ്ഡലം ജനറല് സെക്രട്ടറി എ.സുനില് കുമാര്, നോര്ത്ത് കളമശ്ശേരി ഏരിയ കമ്മിറ്റി പ്രസിഡന്റ് പ്രവീണ് പ്രകാശ് തുടങ്ങിയവര് യോഗത്തിന് നേതൃത്വം നല്കി.
