കൊച്ചി: ബ്ലേഡ് മാഫിയ പ്രവര്ത്തനങ്ങളെ കര്ശനമായി നേരിടുന്നതില് ജനമൈത്രി പോലിസിന്റെ പങ്ക് എന്ന വിഷയത്തില് കൊച്ചി സിറ്റി പോലീസ് സംഘടിപ്പിക്കുന്ന ഏകദിന ശില്പ്പശാല ഇന്ന് കലൂര് ഐ.എം.എ ഹാളില് നടക്കും. സെമിനാര് രാവിലെ 10.15-ന് ആഭ്യന്തരമന്ത്രി രമേശ് ചെന്നിത്തല ഉദ്ഘാടനം ചെയ്യും. യോഗത്തില് ഡി.ജി.പി കെ.എസ് .ബാലസുബ്രഹ്മണ്യന് അധ്യക്ഷത വഹിക്കും. ദക്ഷിണമേഖല എ.ഡി.ജി.പി കെ .പത്മകുമാര് സ്വാഗതവും കൊച്ചി റേഞ്ച് ഐ.ജി എം.ആര്.അജിത്കുമാര് നന്ദിയും പറയും.
ബ്ലേഡ് മാഫിയ പ്രവര്ത്തനങ്ങളെ കര്ശനമായി നേരിടുന്നതിന് ജനമൈത്രി പോലിസിന്റെ പങ്ക് എന്ന വിഷയം ഇന്റലിജന്സ് എ.ഡി.ജി.പി എ.ഹേമചന്ദ്രന് അവതരിപ്പിക്കും. മണി ലെന്ഡിങ് ,പണമിടപാട് തട്ടിപ്പ് ,ചിട്ടികള് എന്നി വിഷയങ്ങളെ കുറിച്ച് അഡ്വ. ജി. മോഹന് രാജ് ക്ലാസ്സ് എടുക്കും. സാമ്പത്തിക സ്ഥാപനങ്ങളെകുറിച്ചും, വായ്പ ലഭ്യതയെ കുറിച്ചുമുള്ള റിസര്വ് ബാങ്കിന്റെ നിയമവശങ്ങളെ കുറിച്ച് റിസര്വ് ബാങ്ക് എറണാകുളം ജനറല് മാനേജര് സി.വി.വര്ഗീസ്, ധനകാര്യഇതരസ്ഥാപനങ്ങളുടെ ചുമതലയുള്ള തിരുവനന്തപുരം എ.ജി.എം. പി.എം. രാജഗോപാല് എന്നിവര് ക്ലാസ്സുകള് എടുക്കും.
ചിട്ടി ഫണ്ടുകളെ കുറിച്ചും , ചിട്ടിയുമായി ബന്ധപ്പെട്ട തട്ടിപ്പുകളെപറ്റി വിവിധ നിയമ വശങ്ങളെ സംബന്ധിച്ച് എറണാകുളം ചിട്ടി സബ്രജിസ്ട്രാര് കെ.പി.സേവ്യര് ക്ലാസ്സ് എടുക്കും. ഗവണ്മെന്റ് അംഗീകൃത സ്ഥാപനങ്ങളില് നിന്നുമുള്ള വായ്പകളെ കുറിച്ച് കുടുംബശ്രീ ജില്ല മിഷന് കോ-ഓര്ഡിനേറ്റര് ടാനി തോമസ് വിവരിക്കും.
ബ്ലേഡ് മാഫിയയുടെ വിവിധ രീതിയിലുള്ള പ്രവര്ത്തനങ്ങളെക്കുറിച്ചും , പൊതുജനത്തിനുണ്ടാകുന്ന അനന്തര ഫലങ്ങളെ കുറിച്ചും , പൊതുജനം സ്വീകരിക്കേണ്ട മുന്കരുതലുകളെകുറിച്ചും കോട്ടയം ഡി.വൈ.എസ്.പി. അജിത് ക്ലാസ്സ് എടുക്കും. ചര്ച്ചയില് ദക്ഷിണമേഖല എ.ഡി.ജി.പി കെ.പത്മകുമാര്, നികുതി വകുപ്പ് സെക്രട്ടറി അജിത് കുമാര് ജില്ല കളക്ടര് എം.ജി.രാജമാണിക്യം, സഹകരണ ജോയിന്റ് രജ്സ്ട്രാര് എന്.പങ്കജാക്ഷി എന്നിവര് പങ്കെടുക്കും.
പ്രതികരിക്കാൻ ഇവിടെ എഴുതുക: