നെടുമ്പാശ്ശേരി: കൊച്ചി അന്താരാഷ്ട്ര വിമാനത്താവള ലിമിറ്റഡി(സിയാല്)ന്റെ അഗ്നിശമന വിഭാഗമായ എയര്പോര്ട്ട് റെസ്ക്യൂ ആന്റ് ഫയര് ഫൈറ്റിങ് സര്വീസസിന്റെ ആഭിമുഖ്യത്തില് അഗ്നിശമന സേനാവാരാചരണം നടത്തി.
എല്ലാവര്ഷവും ഏപ്രില് 14 മുതല് 20 വരെ ദേശവ്യാപകമായി അഗ്നിശമന വാരം ആചരിക്കുന്നുണ്ട്. കൊച്ചി വിമാനത്താവളത്തില് നടത്തിയ വാരാചരമത്തിന്റെ അവസാന ദിനത്തില് അഗ്നിരക്ഷാ സേനയുടെ മോക്ഡ്രില്, സെമിനാര്, ബോധവത്ക്കരണ പരിപാടികള്, ക്വിസ്, പരിശീലന പരിപാടികള് എന്നിവ അരങ്ങേറി. എയര്പോര്ട്ട് ഡയറക്ടര് എ.സി.കെ.നായര് സെമിനാര് ഉദ്ഘാടനം ചെയ്തു. കൊച്ചി റിഫൈനറീസ് ഫയര് ആന്റ് സേഫ്റ്റി മാനേജര് എ.വി.നൈസു ‘ പെട്രോളിയം ഉത്പന്നങ്ങള് കൈകാര്യം ചെയ്യുമ്പോള് ‘ എന്ന വിഷയത്തില് പ്രഭാഷണം നടത്തി. സിയാല് എ.ആര്.എഫ്.എഫ്. മാനേജര് സോജന് കോശി, ” കേടുവന്ന വിമാനങ്ങളുടെ വീണ്ടെടുപ്പ് ‘ എന്ന പ്രബന്ധം അവതരിപ്പിച്ചു. സിയാല് ചീഫ് സെക്യൂരിറ്റി ഓഫീസര് ഗൗരിശങ്കര് സ്വാഗതം പറഞ്ഞു. തുടര്ന്ന് വിമാനത്താവള ജീവനക്കാര്ക്കായി അഗ്നിശമനവുമായി ബന്ധപ്പെട്ട മത്സരങ്ങള് സംഘടിപ്പിച്ചു. അപായത്തില്പ്പെട്ടവരെ രക്ഷിക്കുന്നതിനെക്കുറിച്ച് മോക് ഡ്രില്ലും സംഘടിപ്പിക്കപ്പെട്ടു.
പ്രതികരിക്കാൻ ഇവിടെ എഴുതുക: