കോട്ടയം: 35-ാമത് മണര്കാട് ഹിന്ദുമത കണ്വന്ഷന് ആരംഭിച്ചു. മണര്കാട് ഭഗവിത ക്ഷേത്രത്തിലെ പത്താമുദയത്തോടനുബന്ധിച്ച് വിഷു മുതലുള്ള ഒന്പത് ദിവസങ്ങളിലാണ് ഹിന്ദുമത കണ്വന്ഷന് നടക്കുന്നത്. വിഷുദിനത്തില് വൈകിട്ട 7ന് മാതാ അമൃതനന്ദമയി മഠം ജനറല് സെക്രട്ടറി സ്വാമി പൂര്ണ്ണാമൃതാനന്ദപുരി കണ്വന്ഷന് ഉദ്ഘാടനം ചെയ്തു. ഇന്നലെ ക്ഷേത്രങ്ങളും സമാജവും എന്ന വിഷയത്തില് ധര്മ്മജാഗരണ്സമിതി സംസ്ഥാന ഓര്ഗനൈസിംഗ് സെക്രട്ടറി വി.കെ. വിശ്വനാഥന് പ്രഭാഷണം നടത്തി. പതഞ്ജലി യോഗവിദ്യപീഠം ചെയര്മാന് ഇ.എം. ഗോപാലകൃഷ്ണന്, ഹിന്ദു ഐക്യവേദി സംസ്ഥാന സെക്രട്ടറി ബ്രഹ്മചാരി ഭാര്ഗ്ഗവറാം, ക്ഷേത്രസംരക്ഷണസമിതി സംസ്ഥാന അദ്ധ്യക്ഷന് ഡോ. അരവിന്ദാക്ഷന്, പ്രൊഫ. ശരത് വി. നാഥ്, ഭാരതിയവിചാരകേന്ദ്രം സംഘടനാ സെക്രട്ടറി കാ.ഭാ. സുരേന്ദ്രന്, ജിതിന് ഗോപാലന് തുടങ്ങിയവര് വിവിധ വിഷയങ്ങളെ ആസ്പദമാക്കി വരുംദിവസങ്ങളില് സംസാരിക്കും.
23ന് സമാപനദിവസം നടക്കുന്ന ഹിന്ദു നേതൃസമ്മേളനം ഭാഗവതപ്രേമി പ്രൊഫ. എം.കെ. നാരായണന്പോറ്റി ഉദ്ഘാടനം ചെയ്യും. എകെവിഎസ് സംസ്ഥാന പ്രസിഡന്റ് വി.കെ. ശേഖര്, കേരള ബ്രാഹ്മണസമാജം സംസ്ഥാന സെക്രട്ടറി ടി.വി. നാരായണശര്മ്മ, കെപിഎംഎസ് ജില്ലാ സെക്രട്ടറി ശിവദാസ് കെ., വെളുത്തേടത്ത് നായര് സമാജം ജില്ലാ സെക്രട്ടറി ഇ.എസ്. രാധാകൃഷ്ണന്, വാര്യര് സമാജം ജില്ലാ സെക്രട്ടറി എം.ആര്. ശശി, വിളക്കിത്തല നായര് സമാജം ജില്ലാ കോര്ഡിനേറ്റര് ടി.എ. മണി, കേരള ഗണകമഹാസഭാ സംസ്ഥാന സമിതിയംഗം തിരുഹൃദയം കൃഷ്ണന്കുട്ടി, എസ്എന്ഡിപി യോഗം കോട്ടയം യൂണിയന് വൈസ് പ്രസിഡന്റ് വി.എം. ശശി, എന്എസ്എസ് വിജയപുരം മേഖലാ കോര്ഡിനേറ്റര് എസ്. ജയചന്ദ്രന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: