പാലാ: പൂഞ്ഞാര് വലിയരാജ രാമവര്മ്മ തമ്പുരാന്റെ ദേഹവിയോഗം തീരാനഷ്ടമാണെന്ന് മീനച്ചില് ഹിന്ദുമഹാസംഗമം പ്രസിഡന്റ് ഡോ.എന്.കെ.മഹാദേവന് അഭിപ്രായപ്പെട്ടു. ഹിന്ദുമഹാസംഗമവുമായി അടുത്ത ബന്ധം പുലര്ത്തിയിരുന്ന തമ്പുരാന്റെ ദേഹവിയോഗത്തില് ഹിന്ദുമഹാസംഗമം ഭാരവാഹികള് അനുശോചനം രേഖപ്പെടുത്തി. ചെയര്മാന് വി.മുരളീധരന്, ജനറല് സെക്രട്ടറി കെ.എന്.വാസുദേവന്, ജനറല് കണ്വീനര് സി.കെ.അശോക് നീലൂര്, വൈസ് പ്രസിഡന്റുമാരായ ഡോ.സുകുമാരന് നായര്, ടി.പ്രഭാകരന്, ബിജു കൊല്ലപ്പള്ളി, പി.ശ്രീകുമാര് തുടങ്ങിയവര് സംസാരിച്ചു.
ബാലഗോകുലം അനുശോചിച്ചു
പാലാ: പൂഞ്ഞാര് വലിയരാജ രാമവര്മ്മ തമ്പുരാന്റെ ദേഹവിയോഗം തീരാനഷ്ടമാണെന്ന് ബാലഗോകുലം കോട്ടയം മേഖലാ രക്ഷാധികാരി പി.എന്.സുരേന്ദ്രന് പറഞ്ഞു. ബാലഗോകുലവുമായി അടുത്തബന്ധം പുലര്ത്തിയിരുന്ന തമ്പുരാന്റെ ദേഹവിയോഗത്തില് ബാലഗോകുലം അനുശോചിച്ചു. മേഖലാ അദ്ധ്യക്ഷന് വി.എസ്.മധുസൂദനന്, ഉപാദ്ധ്യക്ഷന് വനജാക്ഷിയമ്മ ടീച്ചര്, കാര്യദര്ശി കെ.എന്.സജി കുമാര്, സഹകാര്യദര്ശി ബിജു കൊല്ലപ്പള്ളി, സംഘടനാ കാര്യദര്ശി കെ.എസ്.ശശികുമാര്, ഭഗിനിപ്രമുഖ് ലളിതാംബിക കുഞ്ഞമ്മ, ജില്ലാ സെക്രട്ടറി അനീഷ് പാലപ്ര എന്നിവര് അനുശോചിച്ചു.
അനുശോചിച്ചു
കോട്ടയം: പൂഞ്ഞാര് കൊട്ടാരത്തിലെ വലിയ രാജാവ് മൂലം തിരുനാള് രാമവര്മ്മയുടെ നിര്യാണത്തില് ഗവ.ചീഫ് വിപ്പ് പി.സി.ജോര്ജ്ജ് അനുശോചിച്ചു. പൂഞ്ഞാര് വലിയ തമ്പുരാനായി സ്ഥാനമേറ്റശേഷം സാമൂഹ്യ-സാംസ്കാരിക-രാഷട്രീയ-വിദ്യാഭ്യാസ മേഖലകളില് അദ്ദേഹം നല്കിയ സംഭാവനകള് നിസ്തുലമാണെന്നും പി.സി.ജോര്ജ് അനുസ്മരിച്ചു.
നഷ്ടമായത് ആത്മമിത്രത്തെ:
കെ.എം.സന്തോഷ്കുമാര്
പാലാ: പൂഞ്ഞാര് പി.രാമവര്മ്മ വലിയ രാജയുടെ നിര്യാണത്തില് എസ്എന്ഡിപിയോഗം മീനച്ചില് യൂണിയന് കൗണ്സില് അനിശോചിച്ചു. യൂണിയന് പ്രസിഡന്റ് എ.കെ.ഗോപി ശാസ്താപുരം അദ്ധ്യക്ഷത വഹിച്ചു. യൂണിയന് പ്രാര്ത്ഥനാഹാളില് ചേര്ന്ന അനുശോചന സമ്മേളനത്തില് സെക്രട്ടറി അഡ്വ. കെ.എം.സന്തോഷ്കുമാര് അനുശോചന പ്രസംഗം നടത്തി. ഏക്കാലവും ഈഴര സമുദായത്തിന്റെ മീനച്ചില് എസ്എന്ഡിപിയൂണിയന്റെയും ആത്മമിത്രമായിരുന്നു തമ്പുരാനെന്ന് അദ്ദേഹം അനുസ്മരിച്ചു. തമ്പുരാന്റെ ദേഹവിയോഗം നാടിനൊപ്പം സമുദായത്തിനും തീരാനഷ്ടമാണെന്നും അദ്ദേഹം പറഞ്ഞു. യൂണിയന് വൈസ് പ്രസിഡന്റ് പി.എസ്.ശാര്ങ്ഗധരന്, എം.എന്.ഷാജി മുകളേല്, യൂണിയന് കൗണ്സിലര്മാര്, യൂണിയന് പോഷകസംഘടനാ ഭാരവാഹികള് എന്നിവര് അനുശോചന സമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: