കോട്ടയം: നിയമലംഘനം നടത്തുന്ന സ്കൂള് മാനേജ്മെന്റുകള്ക്കെതിരെ ശക്തമായ നടപടികള് ഉണ്ടാകണമെന്ന് ബിഎംഎസ് ആവശ്യപ്പെട്ടു. സേവന വേതനവ്യവസ്ഥകള് കാറ്റില്പ്പറത്തി അണ്എയ്ഡഡ് സ്കൂള് രംഗത്ത് പ്രവര്ത്തിക്കുന്ന കുത്തക മാനേജ്മെന്റുകള്ക്കെതിരെ ശക്തമായ നിയമനടപടികള് കൈക്കൊള്ളുവാന് സര്ക്കാര് തയ്യാറാവണമെന്നും ബിഎംഎസ് ജില്ലാ സെക്രട്ടറി സി.ഉണ്ണികൃഷ്ണന് ഉണ്ണിത്താന് ആവശ്യപ്പെട്ടു. കോട്ടയം മാധവം ഓഡിറ്റോറിയത്തില് ഓള് കേരളാ അണ്എയ്ഡഡ് സ്കൂള് സ്റ്റാഫ് അസോസിയേഷന് (ബിഎംഎസ്) ജില്ലാ വാര്ഷിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
അണ്എയ്ഡഡ് സ്കൂളുകളില് നിയമാനുസൃത വേതനവും, തൊഴില് സുരക്ഷിതത്വവും ഉറപ്പുവരുത്തുവാന് ബിഎംഎസ് നേതൃത്വത്തില് ശക്തമായ ഇടപെടല് ഉണ്ടാവുമെന്നും അദ്ദേഹം മുന്നറിയിപ്പു നല്കി. യൂണിയന് വൈസ് പ്രസിഡന്റ് എന്.എസ്.സോമന് അദ്ധ്യക്ഷത വഹിച്ചു. യോഗത്തില് യൂണിയന് ഭാരവാഹികളായ കെ.എന്.മോഹനന്, എന്.എം.രാധാകൃഷ്ണന്, പി.കെ.സുരേഷ്, ജയന് കെ.വാസു എന്നിവര് സംസാരിച്ചു. ജില്ലാ ട്രഷറര് വി.എസ്.പ്രസാദ് സമാപന പ്രസംഗം നടത്തി. മനോജ് മാധവന് സ്വാഗതവും മാത്യു ചെറിയാന് നന്ദിയും രേഖപ്പെടുത്തി. ഭാരവാഹികളായി സി.ഉണ്ണികൃഷ്ണന് ഉണ്ണിത്താന്(പ്രസിഡന്റ്), പി.കെ.സുരേഷ്, എന്.എസ്. സോമന്, ഷാജി കെ.സെബാസ്റ്റ്യന് (വൈസ് പ്രസിഡന്റുമാര്) കെ.എന്.മോഹനന് (ജനറല് സെക്രട്ടറി), കെ.ഗോപിനാഥ്, എന്.എം. രാധാകൃഷ്ണന്, സുരേഷ് കുമാര് പി.(ജോ.സെക്രട്ടറിമാര്0, ജയന് കെ.വാസു (ഖജാന്ജി) എന്നിവരടങ്ങുന്ന 21 അംഗസമിതിയും തെരഞ്ഞടുക്കപ്പെട്ടു.
പ്രതികരിക്കാൻ ഇവിടെ എഴുതുക: