കോട്ടയം: ബസിനുള്ളില് പെണ്കുട്ടികളോട് അപമര്യാദയായി പെരുമാറിയ മൂന്ന് യുവാക്കള്ക്കെതിരെ വീട്ടമ്മയുടെ പരാതി. കഴിഞ്ഞ 21 ന് മാഞ്ഞൂര് ഭാഗത്താണ് സംഭവം നടന്നത്. പ്രതികളെ പോലീസ് അറസ്റ്റുചെയ്യാന് കൂട്ടാക്കുന്നില്ലെന്ന് പരാതി. ഹൈസ്കൂള് വിദ്യാര്ത്ഥിനികളായ രണ്ടു പെണ്കുട്ടികളും അമ്മയുമായി ബസില് യാത്ര ചെയ്യുമ്പോള് ബസിനുള്ളില് ഇരുന്ന മൂന്ന് പേര് പെണ്കുട്ടികളെ ഉപദ്രവിക്കാന് ശ്രമിച്ചു. ഇത് ചോദ്യം ചെയ്ത വീട്ടമ്മയെ പുറകെയെത്തി യുവാക്കള് ഭീഷണിപ്പെടുത്തുകയും ഉപദ്രവിക്കാന് ശ്രമിച്ചെന്നുമാണ് പരാതി. ഇത് സംബന്ധിച്ച് ജില്ലാ പോലീസ് മേധാവിയ്ക്കും കടുത്തുരുത്തി പോലീസ് സ്റ്റേഷനിലും മാഞ്ഞൂര് സ്വദേശിനിയായ യുവതി പരാതി നല്കി. പെണ്കുട്ടികളോട് അപമര്യാദയായി പെരുമാറുന്നത് കണ്ട വീട്ടമ്മ അവിടെ നിന്നും പെണ്കുട്ടികളോട് മാറി നില്ക്കാന് പറയുകയായിരുന്നു. തുടര്ന്ന് യുവാക്കള് അസഭ്യം പറയുകയും അടുത്തസേ്റ്റാപ്പില് ഇറങ്ങിയ വീട്ടമ്മയുടെ പുറകെ ബൈക്കിലെത്തി അപമാനിക്കുകയും ചെയ്തു. സംഭവത്തിനു ശേഷം കടുത്തുരുത്തി പോലീസ് സ്റ്റേഷനിലെത്തി പരാതി നല്കിയിരുന്നു. പരാതിയുടെ അടിസ്ഥാനത്തില് പോലീസ് നിര്ദ്ദേശത്തെ തുടര്ന്ന് മൊഴിയെടുക്കുന്നതിന് യുവതി ഭര്തൃപിതാവുമായി സംഭവസ്ഥലത്തെത്തിയെങ്കിലും പോലീസ് ഏറെ ൈവകിയാണ് ഇവിടെയെത്തിയതെന്നും യുവതി പറയുന്നു. ഉച്ചകഴിഞ്ഞ് രണ്ട് മണിയോടെ സ്ഥലത്ത് എത്തിയ പോലീസ് ഉദ്യോഗസ്ഥന് യുവതിയോടും പിതാവിനോട് കൂടെയുണ്ടായിരുന്ന പൊതുപ്രവര്ത്തകനോടും അപമര്യാദയായി പെരുമാറിയെന്നും പറയുന്നു. ഇവരുടെ കേസിനാസ്പദമായ സംഭവം ഏറ്റുമാനൂര് പോലീസ് സ്റ്റേഷന് അതിര്ത്തിയിലാണെന്ന് പറഞ്ഞ് പരാതിക്കാരിയെ പോലീസ ഉദ്യോഗസ്ഥന് ചീത്തവിളിച്ചു. സംഭവത്തില് ഇടപ്പെട്ട ബിജെപി പ്രവര്ത്തകനെയും പോലീസ ചീത്തവിളിക്കുകയാണ് ചെയ്തത്. പെണ്കുട്ടികളെ അപമാനിച്ച യുവാക്കളെ അറസ്റ്റ് ചെയ്യാന് പോലീസ് ഇതുവരെയും തയ്യാറായിട്ടില്ല. യുവാക്കള് കോണ്ഗ്രസ് പ്രവര്ത്തകരാണെന്ന് ആക്ഷേപമുണ്ട്. ഇവര്ക്കെതിരെ നിയമനടപടികള് സ്വീകരിക്കാത്തതില് ചില സ്ത്രീ സംഘടനകളും പ്രതിഷേധവുമായി രംഗത്തെത്തിയിട്ടുണ്ട്.
പെണ്കുട്ടികളോട് അപമര്യാദയായി പെരുമാറിയവരെ പോലീസ് സംരക്ഷിക്കുന്നതായി ആരോപണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.