കോട്ടയം: പഴയസെമിനാരിയെ ചരിത്ര സ്മാരകമായി ബസ്സേലിയോസ് മാര്ത്തോമ്മാ പൗലോസ് ദ്വിതീയന് കാതോലിക്കാബാവ പ്രഖ്യാപിച്ചു. പഴയ സെമിനാരിയുടെ ഇരുനൂറാം വാര്ഷികാഘോഷങ്ങളുടെ ഉദ്ഘാടനത്തോടനുബന്ധിച്ച് നടത്തിയ അധ്യക്ഷപ്രസംഗത്തിലായിരുന്നു പ്രഖ്യാപനം. ക്രൈസ്തവ ധാര്മ്മികത സമൂഹത്തിന്റെ നന്മയ്ക്കായി ഉതകണമെന്നും തിന്മയും നന്മയും കൂടിക്കലര്ന്ന സാമൂഹിക ചുറ്റുപാടില് ഇടയശുശ്രൂഷ സമൂഹത്തിന് ദിശാബോധം പകരുന്നതാകണമെന്നും പരി. ബാവാ പറഞ്ഞു.
ഇരുനൂറു വര്ഷങ്ങള്ക്ക് മുമ്പ് തിരുവിതാംകൂറില് ആദ്യമായി പഴയസെമിനാരി കേന്ദ്രീകരിച്ചാരംഭിച്ച ഇംഗ്ലീഷ് വിദ്യാഭ്യാസം പഴയസെമിനാരിയില് ആരംഭിച്ച ഇംഗ്ലീഷ് വിദ്യാഭ്യാസം വിജ്ഞാനത്തിനും സാമൂഹ്യ പരിവര്ത്തനത്തിനും ശക്തിപകര്ന്നുവെന്ന് മുഖ്യമന്ത്രി ഉമ്മന് ചാണ്ടി പ്രസ്താവിച്ചു. പഴയസെമിനാരി ദ്വിശതാബ്ദി ആഘോഷം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ദ്വിശതാബ്ദി സ്മാരക മന്ദിരത്തിന്റെ മണ്ഡപ അനാച്ഛാദനവും മുഖ്യമന്ത്രി ഉമ്മന് ചാണ്ടി നിര്വ്വഹിച്ചു.
സെമിനാരി ഡിജിറ്റല് ലൈബ്രറിയുടെ ഉദ്ഘാടനം മന്ത്രി തിരുവഞ്ചൂര് രാധാകൃഷ്ണന് നിര്വ്വഹിച്ചു. ചരിത്രഫലകത്തിന്റെ അനാച്ഛാദനം ജോസ്. കെ. മാണി എം. പി. നടത്തി. സാന്ത്വന ഹോം കെയര് പദ്ധതി കര്ദ്ദിനാള് കുര്ട്ട് കൊഹും, മലങ്കര പൈതൃക പഠന കേന്ദ്രത്തിന്റെ ഉദ്ഘാടനം ബിഷപ്പ് ബര്ണബാ സൊറിയാനിയും നിര്വ്വഹിച്ചു.
