97. വൈകുണ്ഠ – വിഷ്ണുഭഗവാന്. ഈ പദത്തെ ആചാര്യന്മാര് പലതരത്തില് വ്യാഖ്യാനിക്കുന്നു. ഏതാനുമെണ്ണം ചുവടെ ചേര്ക്കുന്നു. വൈകുണ്ഠ ലോകത്ത് വസിക്കുന്നതിനാല്വൈകുണ്ഠന്. 2. ഭഗവാന്റെ പല അവതാരങ്ങളിലൊന്നില് വികുണ്ഠയുടെ മകനായി ജനിച്ചതിനാല് വൈകുണ്ഠന്. 3. ഭൂതങ്ങളെ ഒരുമിച്ചുചേര്ത്തുപ്രപഞ്ചസൃഷ്ടി നടത്തിയപ്പോള് അവയുടെ സ്വതന്ത്രഗതിക്ക് കുണ്ഠത (തടസം) ഉണ്ടാക്കിയതിനാല് വൈകുണ്ഠന്. 4. വികുണ്ഠം – ജ്ഞാനം. ജ്ഞാനഗമ്യനാകയാല് വൈകുണ്ഠന്. 5. ഭക്തര്ക്ക് ജ്ഞാനം നല്കി അനുഗ്രഹിക്കുന്നതിനാല്വൈകുണ്ഠന്. 6. ഭക്തരുടെ കുണ്ഠത (ദുഃഖം, ക്ഷീണം) മാറ്റിക്കളയുന്നതിനാല് വൈകുണ്ഠന്. 7. വികുണ്ഠന് ജീവജാലങ്ങള്. അവയെ നിയന്ത്രിക്കുകയും രക്ഷിക്കുകയും ചെയ്യുന്നതിനാല് വൈകുണ്ഠന്. 8. കുണ്ഠാ എന്ന പദത്തിനു മായ എന്നര്ത്ഥം. വിവിധ മായകളുള്ളതിനാല് വൈകുണ്ഠന് എന്നുപേര്. 9. കുണ്ഠം – നാശം. നാശമില്ലാത്തവന് വൈകുണ്ഠന്. ഇങ്ങനെ പലകാരണങ്ങള് കൊണ്ട് ഭഗവാന് വൈകുണ്ഠനാണ്.
98. വരദഃ – വരം തരുന്നവന്. അഭീഷ്ടം സിദ്ധിക്കാനുള്ള അനുഗ്രഹമാണ് വരം. വിധിയെയും പ്രകൃതിനിയമങ്ങളെയും അതിക്രമിക്കുന്ന വരം തരുന്നതിന് സര്വ്വാതിശായിയായ വിഭൂതികളുള്ള ത്രിമൂര്ത്തികള്ക്കോ അത്രതന്നെ പ്രഭാവമുള്ള ദേവീമൂര്ത്തികള്ക്കോ അവരുടെ പ്രാതിനിധ്യം ദീര്ഘമായ തപസ്സുകൊണ്ട് നേടിയ മഹാന്മാരായ ചില ഋഷിമാര്ക്കോ മാത്രമേ കഴിയൂ. കഴിവുള്ളതുകൊണ്ടുമാത്രം കാര്യമില്ല. വരംകൊടുക്കാന് പ്രേരിപ്പിക്കുന്ന ഭക്തവാത്സല്യവും വേണം. ഗുരുവായൂരപ്പന് എല്ലാ അര്ത്ഥത്തിലും കാരുണ്യമൂര്ത്തിയായ വരദാനമാണ്.
(തുടരും)
ഡോ. ബി.സി.ബാലകൃഷ്ണന്
പ്രതികരിക്കാൻ ഇവിടെ എഴുതുക: