കൊച്ചി: ഈ വര്‍ഷം വിജയദശമിക്ക്‌ ജന്മഭൂമിയും സരസ്വതി വിദ്യാനികേതനും പൊറ്റക്കുഴി പുതുക്കുളങ്ങര ദേവീക്ഷേത്ര സമിതിയും ചേര്‍ന്ന്‌ വിദ്യാരംഭത്തിന്‌ അവസരമൊരുക്കുന്നു. ഒക്ടോബര്‍ 14ന് പൊറ്റക്കുഴിയിലെ ആര്‍എസ്‌എസ്‌ പ്രാന്ത കാര്യാലയത്തിന്‌ സമീപമുള്ള പുതുക്കുളങ്ങര ക്ഷേത്രത്തിലാണ്‌ വിദ്യാരംഭം സംഘടിപ്പിച്ചിരിക്കുന്നത്‌. ചടങ്ങില്‍ പ്രമുഖ പണ്ഡിതന്മാര്‍ കുട്ടികളെ ആദ്യക്ഷരമെഴുതിക്കും. കുട്ടികളെ എഴുത്തിനിരുത്താന്‍ താത്പര്യമുള്ള രക്ഷിതാക്കള്‍ക്ക്‌ ഇന്ന് മുതല്‍ ഒക്ടോബര്‍ 13 വരെ പേര്‌ രജിസ്റ്റര്‍ ചെയ്യാം. വിളിക്കേണ്ട നമ്പരുകള്‍ : 9447001812, 9020247199, 0484-2536268.
വിദ്യാരംഭത്തിന്റെ ഭാഗമായി നവരാത്രിയെന്ന പേരില്‍ ഒമ്പതു ദിവസത്തെ നൃത്തസംഗീതോത്സവവും സംഘടിപ്പിക്കുന്നുണ്ട്‌. ഒക്ടോബര്‍ അഞ്ചിന്‌ ആരംഭിക്കുന്ന നവരാത്രി നൃത്ത സംഗീതോത്സവം 14ന് വിദ്യാരംഭത്തിനാണ്‌ സമാപിക്കുന്നത്‌. പരിപാടിയുടെ വിജയകരമായ നടത്തിപ്പിന്‌ ആര്‍. വിശ്വനാഥ ഷേണായി അധ്യക്ഷനും എസ്‌. സജികുമാര്‍ ജനറല്‍ കണ്‍വീനറുമായി ആഘോഷ സമിതി പ്രവര്‍ത്തിച്ചു വരുന്നു.
പ്രതികരിക്കാൻ ഇവിടെ എഴുതുക: