പരിപ്പ്‌ പ്രഥമന്‍
ചെറുപയര്‍ പരിപ്പ്‌ 250 ഗ്രാം.
ശര്‍ക്കര 500 ഗ്രാം
നെയ്യ്‌ 100 ഗ്രാം
തേങ്ങ 2
ഉണങ്ങിയ തേങ്ങ ഒരു മുറി
ഏലക്കാപ്പൊടി 5 ഗ്രാം
ചുക്കുപൊടി 5 ഗ്രാം
അണ്ടിപ്പരിപ്പ്‌ 50 ഗ്രാം
കിസ്മിസ്‌ 25 ഗ്രാം
വറുത്തശേഷം നന്നായി വേവിച്ച പരിപ്പിലേക്ക്‌ ശര്‍ക്കര ഉരുക്കിയരിച്ച്‌ ഒഴിക്കുക. ഇതിലെ വെള്ളം വറ്റുമ്പോള്‍ പകുതി നെയ്യൊഴിച്ച്‌ വരട്ടണം. തേങ്ങയുടെ ഒന്നാംപാല്‍ മാറ്റി 6 കപ്പ്‌ വെള്ളത്തില്‍ രണ്ടാം പാല്‍ പിഴിഞ്ഞ്‌ വരട്ടിയെടുത്ത പരിപ്പിലേക്ക്‌ ചേര്‍ത്തു നന്നായിളക്കി യോജിപ്പിക്കണം. വെള്ളം വറ്റി വരുമ്പോള്‍ ഒന്നാം പാല്‍ ചേര്‍ത്ത്‌ ഏലക്കാപ്പൊടി, ചുക്കുപൊടി എന്നിവ ചേര്‍ത്തു നന്നായി ചൂടാക്കണം. ചെരുതായരിഞ്ഞ കൊട്ടത്തേങ്ങ,അണ്ടിപ്പരിപ്പ്‌,കിസ്മിസ്‌ ഇവ ബാക്കിയുള്ള നെയ്യില്‍ വറുത്തു ചേര്‍ത്ത്‌ ചൂടോടെ ഉപയോഗിക്കാം.
അടപ്പായസം
തിളച്ച വെള്ളത്തില്‍ ഇട്ട്‌ അട നന്നായി വേവിക്കുക.
വേവുമ്പോള്‍ വെള്ളം ഊറ്റി വാങ്ങണം. ഇതോടൊപ്പം ച്വ്വരി നന്നായി വേവിക്കുക.
ശര്‍ക്കര തിളപ്പിച്ച്‌ അരിച്ച്‌ വയ്‌ക്കണം. പരന്ന പാത്രത്തില്‍ നെയ്യൊഴിച്ച്‌ അട അതിലിട്ട്‌ ചെറുതായി വഴറ്റുക. പാനികാച്ചിയ ശര്‍ക്കര വെള്ളം അതിലൊഴിച്ച്‌ കുറുകും വരെ വേവിക്കുക.
കുറുകാന്‍ തുടങ്ങുമ്പോള്‍ തേങ്ങാപ്പാല്‍ ആദ്യം കട്ടി കുറച്ചും പിന്നീട്‌ കട്ടി കൂടിയതും എന്ന പ്രകാരത്തില്‍ ഇടവിട്ട്‌ ചേര്‍ത്ത്‌ ഇളക്കിക്കൊണ്ടിരിക്കുക. പാല്‍പ്പൊടി കൊണ്ടുള്ള പാലും ചേര്‍ക്കാം.
ഇടയ്‌ക്ക്‌ ച്വ്വരി വേവിച്ചത്‌ ചേര്‍ത്തിളക്കുക. നന്നായി പരുവം വരുമ്പോള്‍ ഏലക്കാപ്പൊടി ചേര്‍ക്കുക
നെയ്യില്‍ അണ്ടിപ്പരുപ്പ്‌, കിസ്‌ മിസ്‌, ഇവ വറുത്ത്‌ ഇടുക.
ഏത്തയ്‌ക്ക കാളന്‍
വിളഞ്ഞ ഏത്തയ്‌ക്ക – രണ്ടെണ്ണം
തേങ്ങ – കാല്‍ കപ്പ്‌
പച്ചമുളക്‌ – മൂന്നെണ്ണം
കുരുമുളകുപൊടി – കാല്‍ ടീസ്പൂണ്‍
മഞ്ഞള്‍പ്പൊടി – അര ടീസ്പൂണ്‍
ജീരകം – കാല്‍ ടീസ്പൂണ്‍
വെളിച്ചെണ്ണ – ഒരു ടേബിള്‍ സ്പൂണ്‍
കടുക്‌ = ഒരു ടീസ്പൂണ്‍
കറിവേപ്പില – ഒരു കതിര്‍പ്പ്‌
പുളിയില്ലാത്ത മോര്‌ – ഒരു കപ്പ്‌
ഉപ്പ്‌ – പാകത്തിന്‌
പാകവിധം
തൊലി ചെത്തി കഷണങ്ങളാക്കിയ ഏത്തയ്‌ക്ക ഉപ്പും വെള്ളവും ചേര്‍ത്ത്‌ വേവിക്കുക. രണ്ടാമത്തെ ചേരുവകള്‍ മയത്തില്‍ അരച്ചു കലക്കി വേവിച്ച ഏത്തയ്‌ക്കായില്‍ ഒഴിച്ച്‌ തിളപ്പിക്കുക. മോരൊഴിച്ച്‌ ഇളക്കി വാങ്ങുക. കടുക്‌ താളിച്ച്‌ ഉപയോഗിക്കാം.
നാരങ്ങാക്കറി
ചേരുവകള്‍:
കറിനാരങ്ങ കാല്‍ കിലോ
ഉപ്പ്‌ പാകത്തിന്‌
കാന്താരി മുളക്‌(പിളര്‍ത്തത്‌) അഞ്ച്‌ആറ്‌ എണ്ണം
മഞ്ഞള്‍പൊടി ഒരു നുള്ള്‌
മുളകുപൊടി ഒരീ ടീസ്പൂണ്‍
കടുക്‌, ഉലുവ കാല്‍ ടീസ്പൂണ്‍ വീതം
എണ്ണ ഒരു ടേബ്ല് സ്പൂണ്‍
ഉണക്കമുളക്‌ (രണ്ടായിമുറിച്ചത്‌) ഒന്ന്‌.
ഉണ്ടാക്കുന്നവിധം:
കറിനാരങ്ങ നീളത്തില്‍ അരിഞ്ഞ്‌, ഒരുനുള്ള്‌ ഉപ്പുചേര്‍ത്ത്‌ ഒരുദിവസം വെക്കുക. ഇതില്‍ ഒരു നുള്ള്‌ മഞ്ഞള്‍ ചേര്‍ത്ത്‌ വെക്കുക. മുളകുപൊടിയും ചേര്‍ത്തിളക്കി അടച്ചുവെക്കുക.
ചൂടാക്കിയ എണ്ണയൊഴിച്ച്‌, കടുക്‌, ഉലുവ, ഉണക്കമുളക്‌ എന്നിവയിട്ട്‌ വറുത്ത്‌ കടുക്പൊട്ടുമ്പോള്‍ നാരങ്ങാകറി ഇതിലേക്ക്‌ ഒഴിച്ച്‌ തിളപ്പിച്ച്‌ ഉടന്‍ വയറ്റുക.
പ്രതികരിക്കാൻ ഇവിടെ എഴുതുക: