അനന്തതയാകുന്ന ശിവത്തിലേക്ക് യാത്രചെയ്ത് ആ മഹിമയെ സ്വീകരിച്ച് ഈ ലോകത്തിലേക്ക് തന്നെ തിരിച്ചുവന്ന് സമ്പുഷ്ടമായ ജീവിതം നയിക്കേണ്ടതാണ് നാം ഓരോരുത്തരും. പ്രപഞ്ചത്തില് പ്രത്യക്ഷപ്പെടുന്ന എല്ലാ ചലനങ്ങളും ഈ ലക്ഷ്യത്തിലേക്കാണ് പ്രയാണം ചെയ്തുകൊണ്ടിരിക്കുന്നത്. ഈ ലക്ഷ്യത്തിലേക്കാണ് പ്രപഞ്ചമാതാവ് നമ്മെ കൈപിടിച്ച് വളര്ത്തി ഇതുവരെ എത്തിച്ചിരിക്കുന്നത്. ഈ ലക്ഷ്യത്തെ മറന്ന് ജീവിക്കുന്നതാണ് മനുഷ്യന് സംഭവിക്കുന്ന എല്ലാ ദുഃഖങ്ങള്ക്കും മൂലകാരണം. നമ്മുടെ ജീവിതം എവിടെയോ വഴിപിഴച്ചുപോയിരിക്കുന്നു. ഈ ഭൂമിയില് ജന്മമെടുത്തതിന്റെ ഉദ്ദേശ്യങ്ങളെ നാം വിസ്മരിച്ചിരിക്കുന്നു.
നങ്കൂരം നഷ്ടപ്പെട്ട വഞ്ചി പോലെ ഈ സംസാരസാഗരത്തില് നാം വട്ടം കറങ്ങിക്കൊണ്ടിരിക്കുന്നു. സുഖവും ദുഃഖവും ജനനവും മരണവും നമ്മെ മാറിമാറി പിടികൂടിക്കൊണ്ടിരിക്കുന്നു. അതിഭയാനകമായ ചുഴിയില് നാം അകപ്പെട്ടിരിക്കുന്നു. പക്ഷേ, നമ്മുടെ ജീവിതം ഇങ്ങനെ പാഴാക്കി കളയാനുള്ളതല്ല. നഷ്ടപ്പെട്ടുപോയ ജീവിതത്തെ വീണ്ടെടുക്കേണ്ടത് നമ്മുടെ ഏവരുടെയും കര്ത്തവ്യമല്ലേ. അതിനുള്ള മൃതസഞ്ജീവനി മാത്രമാണ് ആചാര്യന്മാരിലൂടെ വെളിവാക്കപ്പെട്ട ധര്മസത്യങ്ങളും ജീവിതമാര്ഗങ്ങളും. അവയെ അറിഞ്ഞ് ആശ്രയിക്കുന്നതിലൂടെ നമ്മുടെ ജീവിതപരിവര്ത്തനം വരും.
– തഥാതന്
