പാലാ: ദേശീയമായ ചിന്താധാരകളെ നശിപ്പിച്ചു കൊണ്ടുള്ള ആധുനിക വിദ്യാഭ്യാസ സമ്പ്രദായം ധാര്മ്മിക ദുരന്തങ്ങള്ക്ക് കാരണമായതായി കേരള ക്ഷേത്രസംരക്ഷണസമിതി സംസ്ഥാന വൈസ്പ്രസിഡന്റ് വി.കെ വിശ്വനാഥന് അഭിപ്രായപ്പെട്ടു.
മഹത്തായ സന്ദേശങ്ങള് നല്കിയിരുന്ന രാമായണത്തിലെയും പുരാണങ്ങളിലെയും പാഠഭാഗങ്ങള് വിദ്യാലയങ്ങളില് നിന്നും സര്വ്വകലാശാലകളില് നിന്നും ഒഴിവാക്കിയതിന്റെ ദുരന്തമാണ് ഇന്ന് സമൂഹത്തില് കാണുന്നതെന്നും അദ്ദേഹം പറഞ്ഞു.
കടപ്പാട്ടൂര് മഹാദേവക്ഷേത്രത്തില് നടന്നുവരുന്ന മൂന്നാമത് രാമായണസത്രവേദിയില് പ്രഭാഷണം നടത്തുകയായിരുന്നു വിശ്വനാഥന്. രാമായണത്തെ ഉള്ക്കൊള്ളുന്ന സമൂഹം വഴിതെറ്റിസഞ്ചരിക്കില്ലെന്ന് വി.കെ വിശ്വനാഥന് പറഞ്ഞു. രാമായണത്തിലെ എല്ലാ കഥാപാത്രങ്ങളും മാതൃകകളാണ്. മഹാന്മാരെയും മഹതികളെയും നേര്വഴിക്ക് നയിച്ച മഹത് ഗ്രന്ഥമാണ് രാമായണം. രാമന്റെ സംസ്കാരം പൂര്ണ്ണമായി ഉള്ക്കൊണ്ട മഹാത്മാവായിരുന്നു ഗാന്ധിജിയെന്നും അദ്ദേഹം പറഞ്ഞു. വൈകിട്ട് നടന്ന സത്സംഗത്തില് ക്ഷേത്രസംരക്ഷണസമിതി ജില്ലാ പ്രസിഡന്റ് പി.വി വിശ്വനാഥന് നമ്പൂതിരി പ്രഭാഷണം നടത്തി.
