ലണ്ടന്‍: എമിറേറ്റ്സ്‌ കപ്പ് ഫുട്ബോള്‍ കിരീടം തുര്‍ക്കി ടീമായ ഗലത്സരെക്ക്‌. ലണ്ടനിലെ എമിറേറ്റ്സ്‌ സ്റ്റേഡിയത്തില്‍ നടന്ന ഫൈനലില്‍ പ്രീമിയര്‍ ലീഗ്‌ ടീമായ ആഴ്സണലിനെ ഒന്നിനെതിരെ രണ്ട്‌ ഗോളുകള്‍ക്ക്‌ കീഴടക്കിയാണ്‌ ഗലത്സരെ കിരീടം സ്വന്തമാക്കിയത്‌. ഒരു ഗോളിന്‌ പിന്നിട്ടുനിന്ന ശേഷമായിരുന്നു തുര്‍ക്കി ക്ലബിന്റെ പടയോട്ടം. വിജയികളുടെ രണ്ട്‌ ഗോളുകളും നേടിയത്‌ ഐവറികോസ്റ്റ്‌ താരവും ലോക ഫുട്ബോളിലെ ഏറ്റവും മികച്ച സ്ട്രൈക്കര്‍മാരിലൊരാളുമായ ദിദിയര്‍ ദ്രോഗ്ബയാണ്‌. 40-ാ‍ം മിനിറ്റില്‍ തിയോ വാല്‍ക്കോട്ട്‌ നേടിയ ഗോളിലൂടെയാണ്‌ ആഴ്സണല്‍ ആദ്യം മുന്നിലെത്തിയത്‌. പിന്നീട്‌ മത്സരത്തിന്റെ 78-ാ‍ം മിനിറ്റിലാണ്‌ ദ്രോഗ്ബയിലൂടെ ഗലത്സരെ സമനില പിടിച്ചത്‌. ദ്രോഗ്ബയെ ബോക്സിനുള്ളില്‍ വീഴ്‌ത്തിയതിന്‌ പെനാല്‍റ്റിയില്‍ നിന്നായിരുന്നു ഗോള്‍ പിറന്നത്‌.
കിക്കെടുത്ത ദ്രോഗ്ബ ആഴ്സണല്‍ ഗോളിക്ക്‌ ഒരവസരവും നല്‍കാതെ പന്ത്‌ വലയിലെത്തിച്ചു. പിന്നീട്‌ 87-ാ‍ം മിനിറ്റില്‍ വെസ്ലി സ്നൈഡറുടെ ഉജ്ജ്വലമായ പാസില്‍ നിന്നാണ്‌ ദ്രോഗ്ബ വീണ്ടും ഗണ്ണേഴ്സ്‌ വലു കുലുക്കിയത്‌.
Monday, December 23, 2024
ഗലത്സരെക്ക്‌ എമിറേറ്റ്സ്‌ കിരീടം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: