അയഥാര്ത്ഥഭോക്താവാണ് ഞാന് ഇന്ന ആളാണ്. എന്നും മറ്റുള്ള അഹംബുദ്ധി. ഈ ദുരഭിമാനിയായ അഹംബുദ്ധി ഒരു വ്യാജവസ്തുവാണ്, ഒരു വെറും ചിന്താഭാണ്ഡമാണ്, മനസ്സാണ്. നിങ്ങള്ക്ക് ഇപ്പോള് തോന്നിയേക്കും, നിങ്ങളുടെ സുഖകരമായ ഇരുപ്പില് നിന്നും എഴുന്നേറ്റുചാടി ഈ പുസ്തകത്തെ നിലത്തു വലിച്ചെറിഞ്ഞ് അതിനെ കഷണം കഷണമാക്കി പിച്ചിച്ചീന്താന്. ഈ സാധകനും ആദ്യകാലത്തൊക്കെ വേദാന്തഗ്രന്ഥങ്ങള് വായിക്കുമ്പോള് ഇതിലും വൃത്തികെട്ട ചിലതൊക്കെ ചെയ്യാന് തോന്നിയിരുന്നു. നിങ്ങളുടെ പ്രതിക്രിയാബുദ്ധി സ്വാഭാവികമാണ്; പക്ഷേ, ഒന്നോര്ക്കുക, നാം യഥാര്ത്ഥവും അനന്തവുമായ ആനന്ദത്തെത്തേടി പുറപ്പെട്ടിരിക്കുകയാണെന്ന്. അത്ര വിലപിടിച്ച ഒരു സ്വത്ത് നേടുന്നതിനുവേണ്ടിയുള്ള ഏതൊരു ത്യാഗവും വളരെ ചെറിയൊരു വില മാത്രമേ ആകുന്നുള്ളൂ. “മിസ്റ്റര്….. ആയ ഞാന് ഒരു വ്യാജപുരുഷനാണ്” എന്ന അറിവിനെപ്പോലും ഇത് നിരാകരിക്കുന്നുവെങ്കിലും സന്തോഷപൂര്വം ആ വില നല്കുക! പ്രതിദിനം നിങ്ങള്ക്കുണ്ടാകുന്ന ബാഷ്പധാരകളില്നിന്നും നെടുവീര്പ്പുകളില് നിന്നും നിങ്ങളെ രക്ഷിക്കുമെന്ന് ഉറപ്പുതരുന്ന അപ്രതിരോധ്യമായ യഥാര്ത്ഥജ്ഞാനമാകുന്ന ആ മഹാകവചം സമ്പാദിക്കുന്നതിനുവേണ്ടിയാണ് ഈ ത്യാഗമെല്ലാം എന്നാവുമ്പോള് ഈ വില വളരെ ലഘുവാണെന്ന് മനസ്സിലാക്കുക.
– സ്വാമി ചിന്മയാനന്ദന്
