ന്യൂദല്ഹി: മാരക പ്രഹരശേഷിയുള്ള ആയുധങ്ങള് നല്കണമെന്ന അഫ്ഗാനിസ്ഥാന്റെ ആവശ്യം ഇന്ത്യ തള്ളി. എതിരാളികളില് വന് നാശംവിതയ്ക്കാന് പാകത്തിലുള്ള മൂര്ച്ചയേറിയ ആയുധങ്ങള് നല്കാന് പറ്റിയ അവസ്ഥയിലല്ല തങ്ങളിപ്പോളെന്ന് ഇന്ത്യ വ്യക്തമാക്കി.
മാരകമല്ലാത്ത ആയുധങ്ങള് അഫ്ഗാന് നല്കാന് തയ്യാറാണ്. പക്ഷേ, അവര് ചോദിക്കുന്ന തരത്തിലെ അത്യാധുനിക യുദ്ധോപകരണങ്ങള് കൈമാറാന് സാധ്യമല്ല. അതിന് പറ്റിയ അവസ്ഥയിലല്ല ഇന്ത്യ, വിദേശകാര്യമന്ത്രി സല്മാന് ഖുര്ഷിദ് പറഞ്ഞു.
ഹെലികോപ്റ്ററുകളും അനുബന്ധ ഉപകരണങ്ങളും മറ്റു സാങ്കേതിക സഹായങ്ങളും അവര്ക്ക് എത്തിച്ചുകൊടുക്കുന്നുണ്ട്. അതിനപ്പുറത്തേക്കുള്ള സഹായം ഉചിതമല്ല. അഫ്ഗാന് അസ്ഥിരവും ദുര്ബലവുമാണ്. വ്യത്യസ്തമായ താത്പര്യങ്ങള് അവിടെ നിലനില്ക്കുന്നു.
പ്രശ്നങ്ങളില്ച്ചെന്നു ചാടാന്വയ്യ. വലിയ കുഴപ്പങ്ങളില്ലാതെ അഫ്ഗാനെ പിന്തുണയ്ക്കാന് സാധിക്കുമെങ്കില് അതാണ് ഏറ്റവും നല്ലവഴിയെന്നും ഖുര്ഷിദ് കൂട്ടിച്ചേര്ത്തു.
