ഏത് കാലഘട്ടത്തിലായാലും അതത് സമൂഹത്തില് ധര്മത്തില് വന്നുചേരുന്ന ച്യുതിയെ വിലയിരുത്തുവാനും ആ ച്യുതിക്ക് എന്താണ് പരിഹാരം എന്നുള്ളത് ചിന്തിക്കാനും സമൂഹത്തില് ബുദ്ധിപരമായി ഉയരുന്ന ഒരു ന്യൂനപക്ഷമെങ്കിലും ശ്രദ്ധിക്കുകയും പ്രവര്ത്തിക്കുകും ചെയ്താല് മാത്രമേ ഏത് കാലഘട്ടത്തിലായാലും ധര്മസംരക്ഷണം നിലനില്ക്കൂ. ഇത് നമുക്ക് ചരിത്രത്തിലേക്ക് നോക്കിയാല് മനസ്സിലാക്കാവുന്ന ഒരു വിഷയമാണ്. ആ നിലയ്ക്ക് പറയുമ്പോള് ഇന്ന് നേരത്തെ സൂചിപ്പിച്ച കാരണങ്ങളുടെ പിന്തുടര്ച്ചയായിട്ട് തന്നെ വളരെയധികം അസ്വസ്ഥതകളും ആചാരമില്ലായ്മയും തപസ്സിന്റെ അഭാവവും ഒരുതരം ലക്ഷ്യബോധമില്ലായ്മയും എല്ലാം നമ്മുടെ ഇടയിലുണ്ട്. ഇതില്നിന്ന് നമ്മുടെ സമാജത്തെ ഉയര്ത്താന് വേണ്ടി ശരിയായ പ്രവര്ത്തനം ശാസ്ത്രത്തിന്റെയും ആചരണത്തിന്റെയും അടിഥാനത്തില് ഉയര്ന്നുവരണം. സാമൂഹികമായി ഏകത സമരസത എന്നൊക്കെ വാക്കുകള് പ്രയോഗിക്കുമെങ്കിലും ഇന്നത്തെ സമൂഹത്തിന്റെ സ്ഥിതി പരിശോധിക്കുന്ന നമുക്ക് മനസ്സിലാകും ഒരുതരം വിപരീതവിവേചനം ഇന്ന് സാമൂഹിക സാമ്പത്തികതലങ്ങളില് നിലവിലുണ്ട്. ഈ വിപരീത വിവേചനം നിലവിലുണ്ട് എന്നതിന് സംശയമൊന്നുമില്ല. ആരെതിര്ത്താലും നമുക്ക് അനേകം മാനങ്ങളിലൂടെ ചിന്തിച്ചുകഴിഞ്ഞാല് മനസ്സിലാക്കാം. അതില് നിന്ന് ഉപരിയായിട്ട് സമാജത്തില് ഏവര്ക്കും സമാനത വേണം.
സ്വാമി ചിദാനന്ദപുരി
സമ്പാദകന്: അരുണ് പ്രഭാകരന്
