ലീനാ മരിയ പോള്‍
കോടികളുടെ വായ്പാ തട്ടിപ്പില്‍ ദല്‍ഹി പോലീസ്‌ അറസ്റ്റ്‌ ചെയ്ത നടി ലീന മരിയ പോളായിരുന്നു ഈ ആഴ്‌ച്ച വാര്‍ത്തയില്‍ നിറഞ്ഞു നിന്ന സ്ത്രീ. മലയാളി നടിയെന്ന വിശേഷണം കൂടിയായപ്പോള്‍ ലീനയുടെ തട്ടിപ്പ്‌ കേരളത്തിലും ഏറെ ചര്‍ച്ച ചെയ്യപ്പെട്ടു. മലയാളത്തില്‍ കോബ്ര, റെഡ്‌ ചില്ലീസ്‌, ഹസ്ബന്‍ഡ്സ്‌ ഇന്‍ ഗോവ എന്നീ ചിത്രങ്ങളില്‍ ലീന ചെറിയ വേഷങ്ങള്‍ ചെയ്തിരുന്നു. എന്നാല്‍ ലീന പോളിന്‌ സിനിമയുമായി വലിയ ബന്ധമൊന്നുമില്ലെന്ന്‌ സിനിമാരംഗത്ത്‌ നിന്ന്‌ വിശദീകരണവുമുണ്ടായിട്ടുണ്ട്‌. കേരളത്തില്‍നിന്നു വര്‍ഷങ്ങള്‍ക്ക്‌ മുമ്പ്‌ ഗള്‍ഫിലെത്തിയ ലീനയുടെ കുടുംബത്തിനു നാട്ടില്‍ വലിയ ബന്ധങ്ങളില്ലെന്നാണ്‌ സിനിമാപ്രവര്‍ത്തകര്‍ ചൂണ്ടിക്കാണിക്കുന്നത്‌. ചെന്നൈയിലെ ബാങ്കില്‍ നിന്നും കോടികളുടെ വായ്പ തട്ടിയെടുത്ത ലീന മരിയ പോള്‍ ദല്‍ഹിയിലെ ഫാം ഹൗസില്‍ വാടകയ്‌ക്ക്‌ താമസിച്ചു വരുന്നതിനിടെയാണ്‌ പോലീസിന്റെ പിടിയില്‍പ്പെടുന്നത്‌.
പ്രതികരിക്കാൻ ഇവിടെ എഴുതുക: