ആലപ്പുഴ: സംസ്ഥാനത്തെ മത്സ്യത്തൊഴിലാളികളുടെ ഇപ്പോഴത്തെ സാമൂഹിക-സാമ്പത്തിക അവസ്ഥ മനസിലാക്കി ഭാവി പദ്ധതികള്‍ ആസൂത്രണം ചെയ്യുന്നതിനുള്ള അടിസ്ഥാന വിവരങ്ങള്‍ ശേഖരിക്കുന്നതിനായി 20 മുതല്‍ ജൂണ്‍ 15 വരെ സംസ്ഥാനത്ത്‌ പഠനസര്‍വേ നടത്തും. മത്സ്യത്തൊഴിലാളി ക്ഷേമനിധി ബോര്‍ഡില്‍ അംഗത്വമുള്ളവരില്‍ നിന്നും തെരഞ്ഞെടുത്ത പതിനായിരം മത്സ്യത്തൊഴിലാളി കുടുംബങ്ങളില്‍ നിന്നുമാണ്‌ വിവരശേഖരണം നടത്തുന്നത്‌. ഇതില്‍ 8200 കുടുംബങ്ങള്‍ തീരദേശമേഖലയിലും 1800 കുടുംബങ്ങള്‍ ഉള്‍നാടന്‍ മേഖലയിലും ഉള്‍പ്പെട്ടതാണ്‌. വയനാട്‌ ഒഴികെയുള്ള 13 ജില്ലകളില്‍ ക്ഷേമനിധി ബോര്‍ഡില്‍ അംഗത്വമുള്ള മത്സ്യത്തൊഴിലാളികളുടെ എണ്ണത്തിന്‌ ആനുപാതികമായാണ്‌ സര്‍വേ നടത്തുന്ന കുടുംബങ്ങളുടെ എണ്ണം നിശ്ചയിച്ചിട്ടുള്ളത്‌. ഈ സര്‍വേയ്‌ക്കായി 17.15 ലക്ഷം രൂപയാണ്‌ വകിയിരുത്തിയിരിക്കുന്നത്‌. ഇതിനായി തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം. തൃശൂര്‍, മലപ്പുറം, കോഴിക്കോട്‌, കണ്ണൂര്‍, കാസര്‍ഗോഡ്‌ ജില്ലകളില്‍ നിന്നുമായി ബിരുദധാരികളായ 112 എന്യൂമറേറ്റര്‍മാരെ മത്സ്യത്തൊഴിലാളി സമൂഹവ്യക്തികള്‍ ഉള്‍പ്പെടുത്തക്ക രീതിയില്‍ തെരഞ്ഞെടുത്തിട്ടുണ്ട്‌.
Monday, December 23, 2024
മത്സ്യത്തൊഴിലാളി സാമൂഹ്യ-സാമ്പത്തിക പഠനസര്‍വേ 20ന്‌ ആരംഭിക്കും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: