അതിരുദ്രമഹായജ്ഞംകണ്ണൂറ്: കണ്ണാടിപ്പറമ്പ് ശ്രീധര്മ്മശാസ്താ-ശിവക്ഷേത്രത്തില് അതിരുദ്രമഹായജ്ഞം നടത്താനായി രണ്ടുവര്ഷം മുമ്പ് സംഘാടക സമിതി രൂപീകരിച്ചതുമുതല് ഇന്നലെ ഉച്ചയ്ക്ക് രണ്ടുമണിവരെ എണ്ണയിട്ട യന്ത്രം പോലെ പ്രവര്ത്തിച്ച സംഘാടക സമിതിയുടേയും ഭക്തജനങ്ങളായ നാട്ടുകാരുടേയും യജ്ഞത്തില് പങ്കെടുത്ത അന്യസംസ്ഥാനങ്ങളില് നിന്നടക്കമുള്ളവരുടെ പങ്കാളിത്തത്താലും കഴിഞ്ഞ ൧൧ ദിവസമായി നടന്ന യജ്ഞം വാന് വിജയമായി മാറി. കപട മതേതരവാദികളായ സിപിഎമ്മും ഇവരുടെ ഇംഗിതത്തിന് വഴങ്ങി പ്രവര്ത്തിക്കുന്ന ശാസ്ത്രസാഹിത്യ പരിഷത്തും ചില തീവ്രസ്വഭാവമുള്ള സംഘടനകളും ചില മാധ്യമങ്ങളും ഭാരതീയ സംസ്കാരത്തിനും സ്വാമിമാര്ക്കാകമാനവും അപമാനവും ചില ആ’സാമി’മാരും യജ്ഞാരംഭത്തിന് തൊട്ടുമുമ്പുമുതല് യജ്ഞത്തിനെതിരെ തികച്ചും തെറ്റായ കുപ്രചരണങ്ങളും ജല്പനങ്ങളും നടത്തിയെങ്കിലും ഇവയെല്ലാം പാടെ നിരാകരിച്ചുകൊണ്ട് ഈശ്വരീയമായ ശക്തിയെ തേടി ലക്ഷകണക്കിന് ഭക്തരാണ് യജ്ഞഭൂമിയിലേക്ക് കഴിഞ്ഞദിവസങ്ങളില് ഒഴുകിയെത്തിയത്. ഇത്തരക്കാരുടെ കുപ്രചരണങ്ങള് ഒരുതരത്തില് യജ്ഞത്തെ കൂടുതല് ജനങ്ങളിലേക്കെത്തിക്കുകയായിരുന്നുവെന്നതാണ് അവിടെയെത്തിയ ജനസഞ്ചയം ചൂണ്ടിക്കാണിക്കുന്നത്. കഴിഞ്ഞ ജൂലായ് മാസം ശിവപഞ്ചാക്ഷര യജ്ഞത്തോടെ ആരംഭിച്ച യജ്ഞ പരിപാടികളുടെ ഭാഗമായി മഹാമൃത്യഞ്ജയ യജ്ഞം, ൧൧ ഏകാദശരുദ്രായജ്ഞം, രുദ്രായനം രഥയാത്ര, ആദ്ധ്യാത്മിക പുസ്തകോത്സവം, സാംസ്കാരിക പ്രദര്ശിനി, രുദ്രപ്രയാണം എന്നിവ നടന്നിരുന്നു. ഇതിനുശേഷമാണ് കഴിഞ്ഞ ൩൧ മുതല് പരിപാടികള് ആരംഭിച്ചത്. ആരംഭിച്ചതുമുതല് യജ്ഞത്തിന് പിന്നില് സംഘപരിവാര് ഹിഡണ് അജണ്ടയാണെന്നും വര്ഗ്ഗീയതയാണ് യജ്ഞത്തിലൂടെ പ്രചരിപ്പിക്കുന്നതെന്നും തല്പരകക്ഷികള് പ്രചരിപ്പിച്ചു. സംഘാടക സമിതി രൂപീകരണം മുതല് നാട്ടുകാരായ ഭക്തജനങ്ങള് കക്ഷിരാഷ്ട്രീയത്തിനതീതമായി യജ്ഞ പ്രവര്ത്തനങ്ങളുമായി സഹകരിക്കുകയായിരുന്നു. എന്നാല് ജനപങ്കാളിത്തത്തില് അമ്പരന്ന സിപിഎമ്മിണ്റ്റേയും ഡിവൈഎഫ്ഐയുടേയും ജില്ലാ നേതാക്കള് യജ്ഞത്തിനെതിരെ പരസ്യ പ്രസ്താവനയുമായി രംഗത്തുവരികയായിരുന്നു. ഇത് കമ്മ്യൂണിസ്റ്റുകാരില് പോലും വ്യാപക പ്രതിഷേധമുയര്ത്തിയിരുന്നു. ന്യൂനപക്ഷ വിഭാഗങ്ങള് ദിവസങ്ങള് നീണ്ടുനില്ക്കുന്ന പള്ളിപെരുന്നാളുകളും മഖാംഉറുസുകളും നടത്തുമ്പോള് അത് മതാചാരമാണെന്നും അത്തരം പരിപാടികളില് പങ്കെടുത്ത് പ്രസംഗിക്കുകയും ചെയ്യുന്ന കോണ്ഗ്രസ്-സിപിഎം നേതാക്കള്ക്ക് ഹിന്ദുവിണ്റ്റെ പരമ്പരാഗത ആചാരങ്ങളും ആഘോഷങ്ങളും അനുഷ്ഠാനങ്ങളും വര്ഗ്ഗീയതയായി മാറുകയാണ്. വോട്ടുബാങ്ക് മാത്രം ലക്ഷ്യം വെച്ചുള്ളതാണ് ഇത്തരം നീക്കങ്ങളെന്നതിന് തെളിവുകള് ആവശ്യമില്ല. യജ്ഞത്തോടനുബന്ധിച്ച് നടന്ന പൊതുപരിപാടികളില് ജനങ്ങളുടെ നേതാക്കളായ മന്ത്രിപ്രമുഖര് പലരും ന്യൂനപക്ഷത്തെ ഭയന്ന് മുങ്ങുകയായിരുന്നുവെന്നാണ് അണിയറയില് സംസാരം. യജ്ഞസംഘാടനത്തിണ്റ്റെ തലപ്പത്തുള്ളവര് സംഘപരിവാര് നേതാക്കളായി പോയെങ്കില് അത് യാദൃശ്ചികമല്ല എന്നതാണ് വസ്തുത, യജ്ഞം പോലുള്ള ഹൈന്ദവ പരിപാടികള്ക്ക് വിശ്വാസികളല്ലാത്തവര്ക്ക് നേതൃത്വത്തിലെത്താനോ അവര്ക്ക് നേതൃത്വം നല്കാനോ കഴിയില്ലെന്നതാണ് യാഥാര്ത്ഥ്യം. ഇതെല്ലാം എന്തുതന്നെയായാലും യജ്ഞത്തിണ്റ്റെ മഹത്തായ വിജയത്തിണ്റ്റെ സംതൃപ്തിയിലും ആത്മനിര്വൃതിയിലുമാണ് കണ്ണാടിപ്പറമ്പ് സ്വദേശികളും യജ്ഞസംഘാടകരും ഹൈന്ദവ വിശ്വാസികളും.
കുപ്രചരണങ്ങള് ജനം പാടെ നിരാകരിച്ചു; സംഘാടനത്തിലും ജനപങ്കാളിത്തത്തിലും മികവ് തെളിയിച്ച് അതിരുദ്രമഹായജ്ഞം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.