കോട്ടയം: നൂറുകണക്കിന് വിദ്യാര്ഥികളും ആരോഗ്യപ്രവര്ത്തകരും ഒന്നുചേര്ന്ന മനുഷ്യമതിലിനെ സാക്ഷിയാക്കി പുകയിലരഹിത കോട്ടയം പദ്ധതി അഞ്ചാം വര്ഷത്തിലേക്ക് കടന്നു. കോട്ടയം ശാസ്ത്രി റോഡിന്റെ അരികില് നടന്ന മനുഷ്യമതിലില് ജില്ലാ പഞ്ചായത്ത് വൈസ് പ്രസിഡന്റ് കെ.എ. അപ്പച്ചന്, ആര്.ഡി.ഒ പി.കെ. മനോഹരന്, ഡിവൈ.എസ്.പി വി.ജി. വിനോദ്കുമാര്, ആരോഗ്യകേരളം പ്രോജക്ട് മാനേജര് ഡോ. എ. നിസാര്, ഡെപ്യൂട്ടി ഡി.എം.ഒ ഡോ. എന്. പ്രിയ, ബിന്ദുകുമാരി, മാസ് മീഡിയ ഓഫീസര് ദേവ്, സര്ക്കിള് ഇന്സ്പെക്ടര്മാരായ എ.ജെ. തോമസ്, റിജോ പി. ജോസഫ്, സി. സേതുമാധവന്, ഡെപ്യൂട്ടി ഡി.ഇ.എം.ഒമാരായ ഡോമി, പീതാംബരന്, ജില്ലാ റ്റി.ബി ഓഫീസര് ഡോ. ഫ്ളോറമ്മ ചാക്കോ, സ്റ്റുഡന്റ് പോലീസ് കേഡറ്റുകള്, വിദ്യാര്ഥികള് തുടങ്ങിയവര് പങ്കെടുത്തു. ഡിവൈ.എസ്.പി ജി.വി. വിനോദ് കുമാര് പുകയില വിരുദ്ധ പ്രതിജ്ഞ ചൊല്ലിക്കൊടുത്തു.
തുടര്ന്ന് ജില്ലാ റ്റി.ബി. സെന്ററില് നടന്ന വാര്ഷികാഘോഷസമ്മേളനം ജില്ലാ പഞ്ചായത്ത് വൈസ് പ്രസിഡന്റ് കെ.എ. അപ്പച്ചന് ഉദ്ഘാടനം ചെയ്തു. പുകയില നിയന്ത്രണപ്രവര്ത്തനങ്ങളിലെ മികവിന് പോലീസ് സബ് ഇന്സ്പെക്ടര്മാരായ കെ.പി. തോമസണ്, ബിന്സ് ജോസഫ് എന്നിവര്ക്കും റെയില്വേ പോലീസ് സര്ക്കിള് ഇന്സ്പെക്ടര് സി. സേതുമാധവനും ചടങ്ങില് പുരസ്കാരങ്ങള് സമ്മാനിച്ചു. പുകയിലരഹിത സ്റ്റിക്കറുകളുടെ പ്രകാശനം ആരോഗ്യകേരളം ജില്ലാ പ്രോജക്ട് മാനേജര് നിര്വഹിച്ചു.
