കൊച്ചി: വണ്ടര്‍ലാ കൊച്ചിയില്‍ ഓണാഘോഷത്തോടനുബന്ധിച്ച്‌ സന്ദര്‍ശകര്‍ക്കായി ‘ഫണ്‍ ഓണം’ 2012 സെപ്റ്റംബര്‍ 2 വരെ സംഘടിപ്പിച്ചിരിക്കുന്നു. ഉത്സവദിനങ്ങള്‍ക്ക്‌ ആവേശത്തിന്റെ ലഹരി പകരുന്ന ഫണ്‍ ഓണം ആഘോഷങ്ങളുടെ ഭാഗമായി മൊബെയില്‍ ഫണ്‍, സ്റ്റേജ്‌ പ്രോഗ്രാമുകള്‍, ശിങ്കാരിമേളം, ഫുഡ്‌ ഫെസ്റ്റിവല്‍ എന്നിങ്ങനെയുള്ള വൈവിധ്യമാര്‍ന്ന പരിപാടികളുണ്ടായിരിക്കുന്നതാണ്‌.
സന്ദര്‍ശകര്‍ പ്രവേശന ടിക്കറ്റിനൊപ്പം ലഭിക്കുന്ന സമ്മാന കൂപ്പണ്‍ പൂരിപ്പിച്ച്‌ പ്രവേശനകവാടത്തിലെ പെട്ടിയില്‍ നിക്ഷേപിക്കേണ്ടതാണ്‌. നറുക്കെടുപ്പിലൂടെ ദിവസേന ലഭിക്കുന്ന ആകര്‍ഷകമായ സമ്മാനങ്ങള്‍ക്ക്‌ പുറമേ മെഗാ ബമ്പര്‍ സമ്മാനമായി ഒരു മാരുതി ആള്‍ട്ടോ കാറും നല്‍കുന്നതാണ്‌.
അതിനു പുറമേ കുസൃതി ചോദ്യങ്ങളും കടംകഥകളുമായി എത്തുന്ന മൊബെയില്‍ ജോക്കികളുടെ ചോദ്യത്തിന്‌ ശരിയുത്തരം നല്‍കുന്നവരും സമ്മാനങ്ങള്‍ക്ക്‌ അര്‍ഹരാകും. വൈവിധ്യമാര്‍ന്ന സ്റ്റേജ്‌ പ്രോഗ്രാമുകള്‍ ദിവസവും പാര്‍ക്കില്‍ സംഘടിപ്പിക്കുന്നുണ്ട്‌.
ഇന്ത്യന്‍, അറേബ്യന്‍ രുചിഭേദങ്ങള്‍ക്ക്‌ പുറമേ കേരളത്തിന്റെ തനതായ നാടന്‍ രുചികളും വിസ്മയം തീര്‍ക്കുന്ന ഭക്ഷ്യമേള ഫണ്‍ ഓണത്തിന്റെ മറ്റൊരു സവിശേഷതയാണ്‌. വണ്ടര്‍ലായില്‍ ദിവസം മുഴുവന്‍ നോണ്‍സ്റ്റോപ്പ്‌ ത്രില്ലിങ്ങ്‌ റൈഡുകള്‍ മുതല്‍ കൊച്ചു കുട്ടികള്‍ക്ക്‌ രസം പകരുന്ന കിഡ്സ്‌ റൈഡുകളും 4ഉ അനുഭവം പ്രദാനം ചെയ്യുന്ന എക്സ്‌.ഡി. മാക്സും, ഇന്‍ഡോര്‍ മസിക്കല്‍ ഫൗണ്ടനും ലേസര്‍ ഷോയുമൊക്കെ വൈവിധ്യമാര്‍ന്ന വിനോദാനുഭവം സന്ദര്‍ശകര്‍ക്ക്‌ സമ്മാനിക്കുന്നു.
ഫണ്‍ ഓണം ദിനങ്ങളില്‍ പീക്ക്‌ സീസണ്‍ നിരക്ക്‌ ബാധകമായിരിക്കുമെന്ന്‌ പാര്‍ക്ക്‌ അധികൃതര്‍അറിയിച്ചു. ഫണ്‍ ഓണത്തിന്റെ മുഖ്യ സ്പോണ്‍സര്‍മാര്‍ പോപ്പുലര്‍ ആട്ടോമൊബെയില്‍സ്‌,ഈസ്റ്റേണ്‍, സുനിദ്ര, വി-ഗാര്‍ഡ്‌, യുണിവേഴ്സല്‍, പോപ്പി, ബോക്സര്‍, പവിഴം, ഇമ്മാനുവല്‍സില്‍ക്സ്‌, ഗോള്‍ഡന്‍ വാലി, കപ്പോ, മെറില്‍ ബേ, സ്കീ, ചോക്കോ പൈ, ബ്രൂ, മഞ്ച്‌ എന്നീ ബ്രാന്‍ഡുകളാണ്‌.
പ്രതികരിക്കാൻ ഇവിടെ എഴുതുക: