മലപ്പുറം: ഒന്നാംക്ലാസ് മുതല് സംസ്കൃതപഠനം ആരംഭിക്കണമെന്ന ആവശ്യം അംഗീകരിക്കാത്തതിലും സംസ്ഥാന കരിക്കുലം കമ്മറ്റിയില് സംസ്കൃതഭാഷാ പ്രതിനിധിയെ മാത്രം ഉള്പ്പെടുത്താത്തതിലും കേരള സംസ്കൃത അധ്യാപക ഫെഡറേഷന് സംസ്ഥാനകമ്മറ്റി യോഗം പ്രതിഷേധിച്ചു. സംസ്ഥാന ക്വാളിറ്റി ഇംപ്രൂമെന്റ് മോണിറ്ററിംഗ് കമ്മറ്റിയില് നിന്നും സംസ്കൃതാധ്യാപകരെ മാറ്റി നിര്ത്തിയതിലും സംസ്കൃത ഭാഷയോടും സംസ്കൃത അധ്യാപകരോടുമുള്ള വിദ്യാഭ്യാസ മന്ത്രിയുടെ അവഗണനയിലും യോഗം പ്രതിഷേധിച്ചു. ഇതിനെതിരെ ജൂലൈ മാസം മുതല് പ്രക്ഷോഭമാരംഭിക്കാന് കേരള സംസ്കൃത അധ്യാപക ഫെഡറേഷന് സംസ്ഥാന കമ്മറ്റി യോഗം തീരുമാനിച്ചു. കെഡിഎസ്ടിഎഫ് സംസ്ഥാന പ്രസിഡന്റ് കെ. പ്രദീപ്കുമാര് അധ്യക്ഷതവഹിച്ചു. കേരള സംസ്കൃതാധ്യാപക ഫെഡറേഷന് സംസ്ഥാന പ്രസിഡന്റ് എം.എസ്. ശര്മ്മ ഉദ്ഘാടനം ചെയ്തു. സംസ്ഥാന സെക്രട്ടറിമാരായ ടി.കെ. സന്തോഷ്കുമാര്, പി.ജി. അജിത് പ്രസാദ് സംസാരിച്ചു.
പ്രതികരിക്കാൻ ഇവിടെ എഴുതുക: