കണ്ണൂറ്‍: മണ്ണുത്തി-ഇടപ്പള്ളി ദേശീയപാതയില്‍ പാലിയേക്കരയില്‍ ടോള്‍പിരിവിനെതിരെ സമരം നടത്തിയ മഹിളാമോര്‍ച്ച സംസ്ഥാന പ്രസിഡണ്ട്‌ ശോഭാ സുരേന്ദ്രനെയും ബിജെപി നേതാക്കളെയും അതിക്രൂരമായി മര്‍ദ്ദിച്ച പോലീസിണ്റ്റെ നടപടിയില്‍ കണ്ണൂര്‍-അഴീക്കോട്‌ നിയോജകമണ്ഡലം മഹിളാമോര്‍ച്ചയുടെ സംയുക്തയോഗം അപലപിച്ചു. ജനകീയ സമരങ്ങളെ അടിച്ചമര്‍ത്തുന്ന സ്വേച്ഛാധിപത്യപ്രവണത അംഗീകരിക്കാനാവില്ലെന്നും മാനദണ്ഡം നിശ്ചയിക്കാതെ ടോള്‍പിരിവ്‌ നടത്തുന്നതിനെതിരെ ടോള്‍ പ്ളാസയില്‍ നടന്നുവരുന്ന സമര പരിപാടികളില്‍ മഹിളാമോര്‍ച്ച സജീവമായി രംഗത്തുണ്ടാവുമെന്നും യോഗം പ്രമേയത്തില്‍ വ്യക്തമാക്കി. കെ.സരോജയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ ജില്ലാജനറല്‍ സെക്രട്ടറി ഷൈന പ്രശാന്ത്‌, സെക്രട്ടറി രേഖാ ശിവദാസ്‌, കെ.പി.സരസ്വതി എന്നിവര്‍ സംസാരിച്ചു. എന്‍.സരസ്വതി സ്വാഗതവും പി.എ.ജലജ നന്ദിയും പറഞ്ഞു.
Friday, November 22, 2024
ശോഭാ സുരേന്ദ്രനെതിരെയുള്ള പോലീസ്‌ നടപടി പ്രതിഷേധാര്‍ഹം: മഹിളാമോര്‍ച്ച
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: