തിരുപ്പതി: ഹോട്ടലിലെ കുളിമുറിയില് തെന്നി വീണ് പരിക്കേറ്റതിനെ തുടര്ന്ന് പ്രശസ്ത പിന്നണി ഗായിക എസ്.ജാനകിയെ ആശുപത്രിയില് പ്രവേശിപ്പിച്ചു. ശ്രീ വെങ്കിടേശ്വര മെഡിക്കല് സയന്സസ് ആശുപത്രിയില് പ്രവേശിപ്പിച്ച ജാനകിയുടെ തലയ്ക്ക് മുറിവുണ്ടെന്ന് ഡോക്ടര്മാര് അറിയിച്ചു.
ജാനകിയുടെ ആരോഗ്യനിലയെ കുറിച്ച് ആശങ്ക വേണ്ടെന്നും തലയില് മാത്രമാണ് മുറിവെന്നും ഡോക്ടര്മാര് അറിയിച്ചു. ആശുപത്രിയിലെ തീവ്രപരിചരണ വിഭാഗത്തില് ചികില്സയില് കഴിയുകയാണ് അവര്. തലയ്ക്കുള്ളില് രക്തം കട്ടപിടിച്ചിരിക്കുന്നതായി കണ്ടെത്തിയതിനെ തുടര്ന്നാണ് ജാനകിയെ തീവ്രപരിചണ വിഭാഗത്തിലേയ്ക്ക് മാറ്റിയത്.
തിരുപ്പതി ക്ഷേത്രത്തില് തിങ്കളാഴ്ച നടന്ന സംഗീതാര്ച്ചനയ്ക്ക് പങ്കെടുക്കാന് എത്തിയതായിരുന്നു എസ്.ജാനകി.
പ്രതികരിക്കാൻ ഇവിടെ എഴുതുക: