വാഷിങ്ടണ്: ശക്തമായ പ്രതിഷേധത്തെ തുടര്ന്ന് അമേരിക്കയുടെ ഹൗസ് ഒഫ് റെപ്രസന്റേറ്റീവ് തയ്യാറാക്കുന്ന സ്റ്റോപ്പ് ഓണ്ലൈന് പൈറസി ആക്ട് (എസ്,ഒ.പി.എ), യു.എസ് സെനറ്റ് തയ്യാറാക്കിയ പ്രൊട്ടക്ട് ഇന്റലക്ച്വല് പ്രോപ്രര്ട്ടി ആക്ട് (പി.ഐ.പി.ഐ) എന്നീ ബില്ലുകള് പരിഗണിക്കുന്നത് അമേരിക്ക താല്ക്കാലികമായി മരവിപ്പിച്ചു.
ചൊവ്വാഴ്ചയാണ് ബില്ല് യു.എസ് കോണ്ഗ്രസില് വോട്ടിനിടാനിരുന്നത്. ഇക്കാര്യത്തില് ഒരു സമവായത്തില് എത്തുന്നത് വരെ ബില്ല് പരിഗണിക്കില്ലെന്ന് ഡെമോക്രാറ്റ് നേതാവ് ഹാരി റെയ്ഡ് പറഞ്ഞു. ബില്ലിനെതിരെ ബുധനാഴ്ച വിക്കിപീഡിയയുടെയും ഗൂഗിളിന്റെയും നേതൃത്വത്തില് ഇന്റര്നെറ്റില് കടുത്ത പ്രതിഷേധം ഉയര്ന്നിരുന്നു. വിക്കിപീഡിയ അന്ന് 24 മണിക്കൂര് സേവനം നിര്ത്തിവയ്ക്കുകയും ചെയ്തിരുന്നു.
ഗൂഗിള് ഇന്കോര്പ്പറേഷന്, ഫേസ്ബുക്ക് തുടങ്ങിയവയും നിയമത്തിനെതിരെ പ്രതിഷേധിച്ചിരുന്നു. ഹോളിവുഡ് സിനിമകളുടെ വ്യാജ പകര്പ്പുകള് പ്രചരിക്കുന്നത് തടയുക, അമേരിക്കന് കോപ്പിറൈറ്റ് നിയമം ലംഘിക്കുന്ന വിദേശസൈറ്റുകളെ തടയുക എന്നീ ലക്ഷ്യത്തോടയാണ് അമേരിക്ക ഈ നിയമം പാസാക്കുന്നത്.
അതേസമയം ഹോളിവുഡ് സ്റ്റുഡിയോകളും മറ്റു സിനിമാ സംബന്ധമായി പ്രവര്ത്തിക്കുന്ന സ്ഥാപനങ്ങള് ഈ നിയമത്തെ പിന്തുണക്കുന്നുണ്ട്.
