ശബരിമല: ശബരിമലയില്‍ ഏഴംഗ മോഷണ സംഘത്തെ പൊലീസ് പിടികൂടി. ഇവരില്‍ നിന്ന് 14 മൊബൈല്‍ ഫോണുകളും 16,000 രൂപയും പോലീസ് കണ്ടെത്തി. തേനി സ്വദേശികളാണ് അറസ്റ്റിലായ ഏഴ് പേരും. തീര്‍ഥാടകരുടെ തോള്‍സഞ്ചികള്‍ അറുത്താണ് ഇവര്‍ കവര്‍ച്ചനടത്തിയിരുന്നത്.
സന്നിധാനം എസ്.ഐയുടെ നേതൃത്വത്തിലുള്ള പ്രത്യേക പോലീസ് സംഘമാണ് മോഷ്ടക്കളെ അറസ്റ്റു ചെയ്തത്. തീര്‍ഥാടകരുടെ വേഷത്തിലാണ് ഇവര്‍ സന്നിധാനത്തും സമീപപ്രദേശങ്ങളിലും മോഷണം നടത്തിവന്നത്. ചോദ്യംചെയ്യലില്‍ കൂടുതല്‍ പേര്‍ മോഷണസംഘത്തിലുള്ളതായി പോലീസിന് സൂചന ലഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: