തെങ്കാശി: സംവിധായകന്‍ എം.എ നിഷാദിന്റെ ചിത്രത്തിന്റെ ചിത്രീകരണം തെങ്കാശിയില്‍ എം.ഡി.എം.കെ പ്രവര്‍ത്തകര്‍ തടസ്സപ്പെടുത്തി. നമ്പര്‍ 66 മധുര ബസ് എന്ന ചിത്രത്തിന്റെ ചിത്രീകരണമാണ് തടസ്സപ്പെടുത്തിയത്.
കഴിഞ്ഞ കുറച്ചു ദിവസങ്ങളായി തെങ്കാശിയില്‍ സിനിമയുടെ ചിത്രീകരണം നടന്നുവരികയായിരുന്നു. ഇന്ന് രാവിലെ പുറത്ത് നിന്നെത്തിയ നാല്‍പ്പതോളം പേര്‍ അടങ്ങുന്ന സംഘമെത്തി ചിത്രീകരണം നിര്‍ത്തിവയ്‌ക്കാന്‍ ആവശ്യപ്പെടുകയായിരുന്നു. ഒരു മണിക്കൂറിനുള്ളില്‍ സ്ഥലം വിടാന്‍ നിര്‍ദ്ദേശിക്കുകയും ചെയ്തു.
പശുപതി ഉള്‍പ്പടെയുള്ള താരങ്ങള്‍ അഭിനയിക്കുന്ന ചിത്രമാണ് നമ്പര്‍ 66 മധുര ബസ്. സംവിധായകന്‍ ഉള്‍പ്പടെയുള്ളവര്‍ പ്രതിഷേധക്കാരുമായി സംസാരിച്ചെങ്കിലും അവര്‍ വഴങ്ങാന്‍ തയാറല്ലായിരുന്നു.
പ്രതികരിക്കാൻ ഇവിടെ എഴുതുക: